Masalmo 34:5 - Bhiblia Yo Sawuleka

⁵ Avale va mu wonako va na tala ngu litsako; kha va na mbi va ni kuwiswa tingana.

Masalmo 34:5 Referans Kwoze

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Masalmo 25:3

Ngu ditshuri, avale va themako awe, kha va na mbi wiswa tingana. Va na wiswa tingana avale va ku wukelako na ku si nga ni txigelo.

Masalmo 18:28

Mkoma, awe u liwoningo langu, awe, Txizimu txangu ngawe u woningako mtema wangu.

Masalmo 97:11

Kuwonekela kuwoninga vathu vavanene, ni litsako li rinzela ava va timbilu to lulama.

Masalmo 36:9

nguko awe u txisima txi txi ningako wutomi. Awe u Ditambo di di hi woningako.

Isaya 60:5

Sekoko u na ti wona, kambe u na woningwa, se mbilu yako yi na ndaka-ndaka, kambe yi na kukumuka ngu kutsaka, nguko kunona ka linene ku na wuyiswa kwako, ni tithomba ta matiko ti nata kwako.

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.

Masalmo 13:3

Ni wone, Mkoma, u txi ni xamula, Txizimu txangu; woninga maso angu, ti to ma si oteli wukohe wa lifo.

Masalmo 83:16

Va thele tingana, Mkoma, kasiku va txi kulava!

Esteri 8:16

Se ka Vajudha kuho kuwonekela, ni kutsaka, ni wudhumo, ni wudhundo.

2 Samuwele 19:5

Sekoko Jowabhi a to wulela nyumbani ka mfumeli, a txi khene: Nyamsi u thete tingana sotshe sithumi sako, sile nyamsi si nga hulukisa wutomi wako, ni wutomi wa vanana vako va majaha ni vamahorana, ni wutomi wa vasikati vako, ni wutomi wa vasikati vako vavadotho.

1 Samuwele 23:13

Sekoko Dhavhidha a to khukha ni vathu vakwe, vo dingana 600, ve huma Keyila ve horolokela ni ditiko; se ngako Sawule a di zivisilwe to Dhavhidha a tutumile kona Keyila, a to leka makungo o mwukela.

Masalmo 3:5

Na rwama ni txi otela wotshe wusiku, ngu msana ni txi wuka, nguko Mkoma wa ni vhikela.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Masalmo 50:23

Awule a ni mahelako mphaxo wa kubonga, ni na m'guleta; ni wule a tsimbilako ngu nzila yangu, ni na mkomba kuhanyisa ka Txizimu.”

Masalmo 138:3

Ka ditshiku dile ni nga kudhana, u ni engisile u ni pfisisile, u tsanisa moya wangu.