Masalmo 34:3 - Bhiblia Yo Sawuleka

³ Huwelelani ni nani wuhombe wa Mkoma; a hi embeleleni hotshethu, hi txi m'dhumisa.

Masalmo 34:3 Referans Kwoze

Masalmo 69:30

Ni na dhumisa Txizimu txathu ngu tindando; ni na txi pfalisa ngu kubonga.

Luka 1:46

Sekoko Mariya a to khene: “Dihika dangu da dhumisa Mkoma,

Masalmo 40:16

Va na tale ngu litsako avale va ku lavako, avale va navelako kuhanyisa kwako, va na wombe yotshe mbimo va txi kha vona: “Mkoma ngene i ku Txizimu!”

Masalmo 66:8

Vathu, bongani Txizimu txathu! Embelelani tindando ta ku txi dhumisa!

Masalmo 35:27

Aniko va na tsake va txi giya avale va ti zivako ti to ni wamnene; kambe va na wombe yotshe mbimo va txi kha vona: “Mkoma mbwa hombe! Mkoma a dhunda wunene wa txithumi txakwe!”

Mtuletelo 14:7

Yona yi ti womba-womba ngu dipswi da hombe, yi txi kha yona: “Thavani Txizimu mi txi pfalisa, nguko txi hokile txikhati txa kulamula ka txona; khozelani awule a nga maha nzuma ni mafu, linene ni sisima.”

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

Mithumo 19:17

Votshe vathu va Efesu, Vajudha ni Vagriki, va yi zivile mhaka yiya. Votshe ve tala ngu kuthava. Se di kuliswa ditina da Jesu.

Vafilipiya 1:20

Madingano ni kuxuva ni kuthemba konako, ni pimisa ti to ni na mbi wiswa tingana ni ka kudotho, aniko ngu mhaka ya kotshe kutsana kwangu, konkuwa ni yotshe mbimo, Kristu a na dhumiswa ha mmidi kwangu, mwendo na hanya mwendo na fa.

1 Makronika 16:10

Ti guleteni ka ditina dakwe do sawuleka; Ti na tsake timbilu ta va va lavako Mkoma.

Masalmo 69:33

nguko Txizimu txa engisa sikulungu txona kha txi tsakeli vathu va txona va di kupandisekani.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Jeremiya 9:24

Aniko awu a ti dhundako e ti dhundela ka yiya mhaka, ti taku a di ni kupfisisa e ni ziva, ti taku ngani Mkoma ni mahako wumbilu, ni kupamula ni wululamo ha mafuni; nguko na xalaliswa ngu sa ku ngeto, kuwomba Mkoma.