Masalmo 34:12 - Bhiblia Yo Sawuleka

¹² Ngu wuhi m'thu wu asi randiko wutomi kani? Awule asi dhundiko kuhanya ngu mbimo yayingi kani?

Masalmo 34:12 Referans Kwoze

Dhewuteronome 30:20

ngako u txi randa Mkoma, Txizimu txako, u engisa dipswi dakwe, u namarela kwakwe; nguko ene ngene i ku wutomi wako ni kuanda ka masiku ako, kasi ku u na sikota kuzumba ka ditiko di Mkoma a nga xambanya ka vatate vako, Abrahamu, Isaake, ni Jakobe, ti to a na va ninga.

Dhewuteronome 6:2

Ngu toneto, thava Mkoma, Txizimu txako, kambe vekisa yotshe milayo yakwe, ni sirumo si nyamsi ni ku leletako, awe ni vanana vako, ni mtukulu wako, otshe masiku a kuhanya kwako, kasi ku masiku ako ma na anda.

Ekleziyaste 3:13

ni kungako m'thu a txi dya, e sela, e tsaka, ngu mthumo wakwe wotshe. Etxo njiningo txota ngu ka Txizimu.

Masalmo 91:16

Ni na mninga kuhanya masiku amangi, kambe ni na mkomba kuhanyisa kwangu.”

Masalmo 4:6

Vavangi va womba va txi kha vona: “I mani a no hi ninga makatekwa kani?” Mkoma hi woninge ngu liwoningo la khohe yako!

Jobe 7:7

Alakanya taku wutomi wangu wu fana ni moya; maso angu kha ma na mbi ngadi me wona wunene.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Ekleziyaste 2:3

Ni to lava kuziva mbiluni kwangu tito, ni nga pfanisa kutxani ni vhinya (kambe na ni txi thumisa mbilu yangu ngu wutxhari), ni ti ni ndi no xayisisa tona wuphukuphuku, kala kuza ni wona ti ti no va ta txhuko, kasi ku vanana va vathu va txi ti maha, hahatshi ka nzuma, mndani ka mtengo wa masiku a kuhanya kwawe.

Masalmo 21:4

Ene a kombete wutomi, se awe u mningile, wutomi wo lapha, wo fungala, wo mbi na magwito.

Genesisi 49:2

tshanganani mi txi engisisa, anu vanana va Jakobe; engisani Israyeli tate wanu.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.

Jobe 33:33

I si nga eto, awe ni engisele; malala, ni na kugondisa wutxhari.

Mavingu 4:20

Mwanangu, pfisisa mapswi angu; ka ditshuri dangu namisa nzeve yako.

Mavingu 7:24

Konkuwa koko, anu vanangu, niheni tinzeve, kambe mi pfisisa mapswi a txisofu txangu;

Mavingu 9:10

Kuthava Mkoma ngu ona makhato a wutxhari, ni wuzivi wa Msawuleki ngu pfisisa.