Masalmo 34:10 - Bhiblia Yo Sawuleka

¹⁰ Vanyatithombe va maha sisiwana, va pfa nzala, aniko ni txa tximwetxo kha txi pwateki ka vale va lavako Mkoma.

Masalmo 34:10 Referans Kwoze

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Matewu 6:32

(Nguko vamatiko ngu vona va karatekako ngu kulava eso simaha). Kasi anu, Tate wanu wa nzumani wa tiziva ta tinene ti to sotsheso sa laveka kwanu.”

Masalmo 104:21

Tingonyamo ta bhonga ti txi xota nyama, ti kombela ka Txizimu sakudya sa tona.

Masalmo 23:1

Mkoma i m'dyisi wangu; kha ni na mbi pwata txilo.

Masalmo 33:19

ene wa va hulukisa ka lifo kambe wa va veketa va txi hanya ka mbimo ya nzala.

Masalmo 112:3

Mtini kwawe ku na tala ngu kupfuna ni tithomba kuhumelela kwawe ku na simama kala kupinduka.

Mavingu 10:3

Mkoma kha leki dihika da wo lulama difa ngu nzala, aniko kunavela ka wo biha wa kutsivela.

Mavingu 19:23

Kuthava Mkoma ka yisa kuhanyani; awule a mthavako a na enelelwa, kambe kha na mbi telwa ngu dikhombo ni da dimwedo.

Mavingu 22:4

Hakhelo ya kutinamisa ni kuthava Mkoma, ndithomba, ni wudhundo, ni wutomi.