Masalmo 34:1 - Bhiblia Yo Sawuleka

¹ Ni na dhumisa Mkoma yotshe mbimo; ni na huwelela wudhumo wakwe ngu txisofu txangu, ni si gwiti.

Masalmo 34:1 Referans Kwoze

1 Vatesalonika 5:18

Zivani kubonga ka totshe ti ti mi humelelako. Nguko, ngu tona tiya txi ti dhundako Txizimu kwanu, ngu ka Kristu Jesu.

Vakolosa 3:17

Ani totshe ti mi ti mahako ngu mapswi ni mithumo, ti maheni ngu ditina da Mkoma Jesu, na mi txi bonga ngu ngene ka Txizimu Tate.

Vaefesu 5:20

yotshe mbimo mi bonga Txizimu txathu, i ku tate ngu sotshe si txi nga maha, ngu ditina da Mkoma wathu Jesu Kristu.

Masalmo 71:8

Txisofu txangu txi na tale ngu ku kudhumisa ni wudhumo wako dotshe ditshiku.

2 Vatesalonika 2:13

Kasi i di athu, hi fanete kubonga Txizimu yotshe mbimo ngu kota yanu, vanathu, mi randwako ngu Mkoma, nguko Txizimu txi mi sawute kukhukhela makhatoni, kasiku mi txi huluswa ngu Moya wu wu basisako, ni kukholwa ka ditshuri.

Mithumo 16:25

Hagari ka wusiku, Paulo ni Silasi va ti khongela, ve embelela tindando ta kudhumisa Txizimu; se ava va nga ti seketwe navo va to va engisa.

Masalmo 71:6

Awe u m'vhuneteli wangu, kukhukhela mndani ka mame wangu; kukhukhela kuvelekwani kwangu ngawe u ni xayisako! Ni na kudhumisa yotshe mbimo!

Mavingu 29:25

Dijowa da m'thu di na riya milawu, kambe awule a thembako ka Mkoma, a na vekwa ka wukhalo wo guleka.

2 Vatesalonika 1:3

Hi fanete kubonga Txizimu yotshe mbimo ngu mhaka yanu, vanathu, nguko eto ti lulamile, nguko likholo lanu la kula ngutu, ni kurandana ka engeteleka mndani ka mmweyo ni mmweyo wanu motshe.

Mithumo 5:41

Vona va to huma ngu banzani ka wukoma, na va txi tsaka ngu kumaneka va di ha mtengoni ka vale va ku ni fanelo yo xupheka ngu mhaka ya ditina da Jesu.

Genesisi 20:2

Koneyo, Abrahamu a txi womba ngu msikati wakwe Sara, a txi khene i ndiyakwe, se Abhimeleki mfumeli wa Gerara e ruma kuya teka Sara.

Genesisi 26:1

Ku to humelela yimwani nzala ditikoni, hahanze ka nzala yo khata, yi nga humelela ka mbimo ya Abrahama, se Isaake a to tsula Gerara ka Abhimeleki, mfumeli wa Vafilista.

1 Samuwele 21:11

Kambe sithumi sa Akisi si to m'gela ku kha sona: Ina wuwa hi nga Dhavhidha, mfumeli wa ditiko kani? Hi nga ene wu va nga ti mu embelelela tindando, va txi kha vona: Sawule a date diguma da mazana, kambe Dhavhidha a date digumi da magumi a mazana kani?