Masalmo 33:6 - Bhiblia Yo Sawuleka

⁶ Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Masalmo 33:6 Referans Kwoze

Vahebheru 11:3

Ngu likholo, ha ti pfisisa ti to nzuma ni mafu si mahilwe ngu Dipswi da Txizimu. Ngu toneto, asi si wonekako si tumbulukete ka si si si wonekiko.

2 Pedro 3:5

Kambe vona va maha khakwenye, va txi nga vo ti timelela tito: I kale yi diho nzuma ni mafu, mafu awa ma nga thaviswa ka mati, ma txi vekwa hagari ka mati ngu Dipswi da Txizimu.

Jobe 33:4

Ni vangilwe ngu Moya wa Txizimu; se kufuteta ka wu wa Mtamo-Wotshe, ku ni ningile kuhanya.

Masalmo 33:9

Nguko a to womba, se sotshe si maheka; a to ruma, se sotshe si humelela.

Genesisi 2:1

Wu gwitisile tiya mthumo wa kuvangwa ka nzuma ni mafu, ni sotshe si si nga tumbulukiswa.

Genesisi 2:7

Se Mkoma Txizimu, a to wumba m'thu ngu lithulu la dibumba, e futeta mu tithonvuni, moya wa wutomi, se m'thu a to va txiwumbiwa txo hanya.

Johani 20:22

A di wombile tiya, a to va futetela, na a txi khene: “Amukelani Moya wo Sawuleka.

Genesisi 1:6

Se Txizimu txi to kha txona: “Ku nave ho mpfhuka hagari ka mati, kambe ku nave ho kuhambana ka mati ni mati.”

Jobe 26:13

Ngu Moya wa txona, txi tshurisete nzuma; ngu manza a txona, txi mahile mnyoka wo tsimbila ngu dibindi.

Genesisi 6:7

Se Mkoma a ti khene: “Ni na fuvisa txitimwi ka mafu, m'thu wu ni nga mmaha, ni fuvisa kambe sihari, ni sihari so tsimbila ngu dibindi, ni sinyana sa nzumani; nguko na ti laya ngu kuva ni di si mahile.”

Varoma 1:25

Vonavo va to phindula ditshuri da Txizimu ve di maha makuhu, ve khozela ni kuthumela siwumbwa, ve leka Muwumbi, awu a fanelako kubongwa ngu malembe ni malembe. Amen.

Masalmo 104:30

Ngako u txi si rumela moya wako, sa tshumela si hanya. Ngu toneto, wa wuseta mafu me maha a maphya.

Genesisi 1:1

Kukhatani Txizimu txi vangile nzuma ni mafu.

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Jeremiya 10:16

Awu i ku txiningo txa ka Jakobe kha fanani naso; nguko ngene mmahi wa silo sotshe; Israyeli lixaka la thomba yakwe, ditina dakwe Mkoma wa Mabutho a Tiyimbi.