Masalmo 33:5 - Bhiblia Yo Sawuleka

⁵ Mkoma yotshe mbimo a lava kululama ni ditshuri; lirando lakwe la tata ditiko dotshe!

Masalmo 33:5 Referans Kwoze

Masalmo 11:7

Kha ditshuri, Mkoma a lulamile, kambe a randa kululama. Vathu vo lulama va na ya wona khohe yakwe.

Masalmo 119:64

Mkoma, mafu ma tate ngu lirando lako: Ni gondise milayo yako!

Masalmo 45:7

Awe u fanete kuranda kululama, u txi nyenya wubihi; ngu mhaka yeto, Txizimu, Txizimu txako, txi ku sawulete toneto hagari ka majaha kuloni txi kusawulekisa ngu mafura kasi ku kumaha mfumeli.

Mithumo 14:17

hambi keto, kha txa leka kufakaza ti to txona txa ho, ngu ku mahela ta tinene vathu, txi wisa mati a nzuma, ni ku mi ninga tinyango to pfuna, txi khurisa timbilu tanu ngu sakudya ni litsako.”

Matewu 5:45

Ngako mi txi maha tiya, mi na va vanana va Tate wanu a ku nzumani; nguko nene wa humisela ditambo vavanene ni vo biha, ni kumaha ti to nzuma yi txi nela vo lulama ni vo mbi lulama.

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!

Vahebheru 1:9

U randile wululami, u txi venga wubihi; ngu toneto, Txizimu, Txizimu txako, txi ku totile mafura a litsako kupinda votshe vangana vako.”

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.