Masalmo 33:4 - Bhiblia Yo Sawuleka

⁴ Mapswi a Mkoma nga ditshuri; mithumo yakwe yi komba kuthembeka kwakwe.

Masalmo 33:4 Referans Kwoze

Masalmo 12:6

Mapswi a Mkoma i mapswi a ditshuri, ngu nga silivhela ya ditshuri, ayi yi nga basiswa nyundoni mtxhanu wa sikhati ni simbidi.

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Masalmo 119:75

Mkoma, ani na tiziva ti to mithetho yako nja yinene khu hoxisi, ngako u txi ni tsayisa.

Masalmo 19:8

Sirumo sa Mkoma nzo lulama; sa ninga litsako mbiluni. Sirumo sa Mkoma nzo lulama; sa woninga mapimo.

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Mavingu 30:5

Otshe mapswi a Txizimu ngo Sawuleka; nzitxhavangu ka vale va thembako ka txona.

Masalmo 119:128

Ngu toneto, na dhunda sileleto sako na nyenya totshe tinzila ta makuhu.

Varoma 7:12

I di mlayo wu sawulekile, ni mthetho ni wona wu sawulekile, wu lulamile, kambe mbunene.

Masalmo 96:13

tsakani masoni ka Mkoma, nguko wata nguko a tela ku ta vhuna mafu; a na lamula ditiko ngu kululama, ni vathu ngu ditshuri dakwe.

Genesisi 24:27

a txi khene: “A na dhumiswe Mkoma, Txizimu txa Abrahamu, nyamne wangu, nguko ene Mkoma kha leka kukomba wunene wakwe ni kuthembeka kwakwe ka nyamne wangu, a txi ni heleketa ngu nzila yo lulama m'tini ka maxaka a nyamne wangu.”

Mika 2:7

O, anu mi dhanwako ku nyumba ya Jakobe, ina wu khala ku hungulwa Moya wa Mkoma kani? Ngu yona yiya mithumo yakwe kani? Ina mapswi angu hi nga manene ka wule a tsimbilako ngu kululama kani?

Masalmo 25:10

Totshe tinzila ta Mkoma ndo kateka ni ditshuri, ka vale va vekisako txitumelelano txakwe ni sirumo sakwe.