Masalmo 33:21 - Bhiblia Yo Sawuleka

²¹ Mkoma ngene kutsaka ka timbilu tathu; nguko hi themba ditina dakwe do sawuleka.

Masalmo 33:21 Referans Kwoze

Masalmo 13:5

Ani ni themba wumbilu wako; mbilu yangu yi tsakela kuhanyisa kwako.

Zakariya 10:7

Se va ka Efrayime va na nga tindena, mbilu yawe yi na tsaka nga va to sela vhinya, se vanana vawe va na wona ve tsaka, timbilu tawe ti na tsakela Mkoma.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Johani 16:22

Ngu toneto, nanu konkuwa ma pfa kupanda timbiluni kwanu, kambe na tshumela ni txi mi wona, se timbilu tanu ti na tala ngu litsako, kambe awalo wu a no mi honyola litsako lanu.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Masalmo 28:7

Mkoma ngene m'vhikeli wangu wa mtamo; ni themba ene ekha, ene a ni vhuni, ngu toneto mbilu yangu yi tsakile, se ni na dhumisa ngu kuembelela tindando.

1 Makronika 16:10

Ti guleteni ka ditina dakwe do sawuleka; Ti na tsake timbilu ta va va lavako Mkoma.

1 Makronika 16:35

Se mi na khanu: Hi hanyise, awe Txizimu txa kuhanyiswa kwathu, hi sengelete u hi txhatxhisa ka matiko; kasi ku hi na bonga ditina dako do sawuleka, hi tsaka ngu wudhumo wako.