Masalmo 33:2 - Bhiblia Yo Sawuleka

² Dhumisani Mkoma ngu kuveta txitende; embelelani masoni kwakwe ngu kuveta txitende txa titxhapu ta digumi.

Masalmo 33:2 Referans Kwoze

Masalmo 144:9

Kwako awe Txizimu, ni embelela ndando ya yiphya; ngu haripa ni txiya txa digumi da tingoti, kwako ni na embelela ni kudhumisa.

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

Mtuletelo 14:2

Ni to engisa dipswi da kuta ngu nzumani, do fana ni kudhuma ka mati ni kudhinda ka txingwalangwanda txa hombe; dipswi di ni ngadi engisa di ti fana ni kutuma ka tiharipa ti txi vetwa ngu vaveti va tona.

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Masalmo 92:3

ngu kuveta mbila ya digumi da makhokhoma ni haripa, ni kuembelela ngu txitende.

1 Makronika 25:6

Votshe vava, va ti ti didhawa ka tate, kasi kuva txi embelela, Nyumbani ka Mkoma, ngu tingoma, ni timbila, ni tiharipa, ka mthumo wa kukhozela Nyumbani ka Txizimu; se Asafe ni Jedhutumi, ni Hemani va ti didhawa ka mfumeli.

1 Makronika 25:3

ka vanana va Jedhutumi, i Gedhaliya, ni Zeri, ni Jesaya, ni Simeyi, ni Hasabhiya, ni Matitiya, mtxhanu ni mmweyo, va ti thangelwa ngu tate wawe, Judhutumi, wule a nga ti profeta e dhumisa ni kubonga Mkoma, ngu kuveta txitende;

1 Makronika 15:28

Se votshe va ka Israyeli va to teka dibhokiso da txitumelelano txa Mkoma, ngu kutsaka ka hombe, na va txi veta mpfumawulo wa timbila ni mipundu ni titshodi, va txi maha diguwa da sitende ni tiharipa.

1 Makronika 15:16

Se Dhavhidha a to womba ka vathangeli va Valevhi ta ku ve veka vanawe ka mthumo wa kuembelela, ngu sivetaveta, ni sitende, ni tiharipa, ni titshodi, kasi ku ve pfalisa, ve guleta mapswi ngu kutsaka.

2 Samuwele 6:5

Se Dhavhidha ni votshe va nyumba ya ka Israyeli va to tsaka masoni ka Mkoma, ni totshe tixaka ta timbila to mahwa ngu mapulango a mikepresi, ni tiharipa sitende, ni singomana, ni titshodi, ni sigovilo.

Masalmo 149:3

Va na dhumise ditina dakwe ngu kusinya; va na embelele va txi veta sitende ni tingoma!

Masalmo 71:22

Ngu toneto, ni lava ku kudhumisa ngu kuveta haripa, ni txi dhumisa wuhombe wako, Txizimu txangu; ni lava ku ku embeleta ngu kuveta txitende, Txizimu txa Israyeli.

Masalmo 92:4

Mithumo yako ya hombe, Mkoma, ya hi tsakisa! Mithumo yako ya hi ninga kuembelela ngu yotshe mbilu.