Masalmo 33:16 - Bhiblia Yo Sawuleka

¹⁶ Mfumeli kha hulukiswi ngu mtalo wa mabutho, hambi wamwamna wa ndena kha xuli ngu mtamo wakwe wa hombe.

Masalmo 33:16 Referans Kwoze

Masalmo 44:3

Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

2 Makronika 20:23

Nguko vanana va Amoni ni va Mowabhi, va to wukela vazumbi va mimangoni ka Seyiri, kasi kuve va lovisa ni ku va daya; se mbimo yi va nga heta vaaki va Seyiri va to lovisana vapune.

Valamuli 7:2

Se Mkoma a to womba ka Gidhiyoni a txi khene: “Vathu vava u ku navo mbangi gutu, kasiku ani ni txi ningela Vamidhiyani manzani kwawe.” Nguko va ka Israyeli va nga ti guleta va txi kha vona: “Ngathu hipune hi nga ti hulukisa ngu manza athu.”

Eksodha 14:28

Mbimo yi mati ma nga tshumela me teka txikale txa ona, ma to mita sikotxikani, vagadhi va mahantxhi, ni mahantxhi a kona, ni dotshe dibutho da yimbi ya Faro, yi yi nga ti va londetile mu lineneni yi txi va hinga, kambe kha ka huluka ni wammweyo.

2 Makronika 32:21

Sekoko Mkoma a to rumela ngelozi ku ta heta votshe vavamna va mtamo, ni vathangeli ni vathangeli va wugoveloni ka mfumeli wa Asiriya; se Senakeribhe a to tshumela ngu tingana eya ditikoni kwakwe. A di wulete nyumbani ka sizimu sakwe, vathu va nyumba yakwe va to m'daya koneho ngu ditxhari.

2 Makronika 20:12

Oh! Txizimu txathu, i na khu na mbi va lamula kani? Nguko athu kha hi nga ni mtamo wa kulwa ni vathu vavangi ngutu ava va telako ku ta hi xasela. Kha hi ti zivi ti hi felako ku ti maha, maso athu ma wonisela awe!

1 Samuwele 17:4

Sekoko ku to huma wamwamna wa ndena ngu digoveloni ka Vafilista, wule ditina dakwe i nga ti ti Goliya, wa Gati, a nga ti ni mtxhanu wa mikono ni wumwewo kulapha ni dianza dimwedo.

Joxuwa 14:12

Se konkuwa, ni ninge mmango wuwa Mkoma a nga wu womba ka donedo ditshiku. U engisile ka donedo ditshiku ti to va ka Anaki va vaho mule, ni madhoropa a hombe, a mtamo maho mule: Kutilava Mkoma a na va ni nani, ani ni na va tutumisa, nga ti Mkoma a nga womba.

1 Vafumeli 20:10

Se Bheni-Hadhadhe a to va rumela kwakwe, kuya womba tiya: Si na mahe kuranda ngu ngani sizimu, ati to lithulu la votshe vathu va Samariya, kha li na mbi tata manza a vathu vale va ni londisako.

Valamuli 7:4

Se Mkoma a to engeta e gela Gidhiyoni a txi khene: Vathu vava i ngadi vangi ngutu. Relela navo u txi ya matini, koneyo ni na ya duka kasi ku u txi sawula a va u no tsula navo: Awule ni no womba ni txi khani “Awuwa a na tsule ni nawe,” eyo u na tsula nayo. A awule ni no khani: Awuwa kha na mbi tsula ni nawe, eyo khu na mbi tsula nayo.

1 Samuwele 2:9

A na xayisa mikondo ya va sawuleki vakwe, aniko vabihi va na maha siduma amu ka txidema; nguko m'thu kha na mbi humelela ngu mtamo wakwe.

1 Vafumeli 20:15

Sekoko a to bala majaha a vathangeli va matiko, i ti 232; se msana kwawe a to bala votshe vathu, e mana 7.000 wa vanana va ka Israyeli.

2 Makronika 13:8

Konkuwa mi pimisa ti to mi na mana mtamo ka wukoma wa Mkoma, awu u ku diwokoni da vanana va Dhavhidha; anu mi vathu votala ngutu, nakona, mi ni marole a nzalama awa Jerobhowamu a nga mi mahela kasiku si va sizimu sanu.

Jobe 36:7

Kha txi thavisi maso a txona ka vo lulama; kukhata txa veka vafumeli yotshe mbimo, se ngu kumaha keto va guletwa.

Jobe 39:11

Mwendo u nga themba nyari, ngu mtamo wa yona wa hombe, mwendo u nga yi ninga mthumo wako kani?

Masalmo 20:8

Vona va humbwa va txi wa hahatshi, aniko, athu hi tseramile hi di tsani.

Ekleziyaste 9:11

Se ni to tshumela ni wona hahatshi ka ditambo tito, kututuma hi nga ka wa livilo, hambi kuxula hi nga ka tindena, ni ka kudotho sakudya kha si lumbi va vo txhariha, ni thomba kha yi lumbi va vavanene, ni kudhundeka hi nga ka va mapimo, kambe mbimo ni kukateka si lumba votshe.

Jeremiya 48:14

Mi nga wombisa kutxani mi txi khanu: Hi tindena hi ni mtamo wa kulwa kani?

Hoseya 10:13

Mi dimile manyala, mi funyela wubihi, kambe mi dyite mihando ya makuhu. Nguko u thembile nzila yako, ka mtalo wa tindena tako.

Amosi 2:14

Kha ku na mbi vhuna txilo kututuma ka va vo txhariha, hambi wa mtamo kha na mbi thumisa mtamo wakwe, ni ndena kha yi na mbi hulukisa wutomi wa yona.

Amosi 2:15

A wu a nga ñola wulaho kha na mbi ema, ni wu aku ni livilo kha na mbi huluka, hambi ni ka kudotho, a wu a tsulako a di gadhile dihantxhi kha na mbi hulukisa wutomi wakwe.