Masalmo 33:10 - Bhiblia Yo Sawuleka

¹⁰ Mkoma wa vhinganyisa makungo a matiko; ene wa va thindekisa kumaha makungo awe.

Masalmo 33:10 Referans Kwoze

Masalmo 21:11

Valala va langanile kumaha kubiha ni ku kuwukela, va ni txikungo, aniko kha va na mbi sikota kumaha txilo.

Isaya 44:25

ni khundumusako sikombiso sa vasiki va makuhu, ni kuxangisa vahuti; na tshumetela msana titxhari, ni kuvhinganyisa gondo ya tona;

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

2 Samuwele 15:31

Sekoko va to zivisa Dhavhidha, va txi kha vona: Ayitofeli nene a hagari ka vale va emako ni Abhisalome. Se Dhavhidha a to khene: Awe Mkoma, hundulusa txikungo txa Ayitofeli.

Masalmo 140:8

Mkoma, vathu vo biha u nga va ninge asi va si lavako; u nga tumele ti to makungo awe o biha meya masoni.

Masalmo 9:15

Mahedheni ma hujumete ka diphala di ma ngadi kela; litshenga li va nga li riya li va bzwetile mikondo.

2 Samuwele 17:23

Se Ayitofeli a di woni koko, taku txikungo txakwe kha txa londetwa, a to sungelela mbongola yakwe, e khukha e tsula m'tini kwakwe, ka didhoropa dakwe, eya lulamisela nyumbani kwakwe e ti sunga: se efa, e tshotshwa ka dithitha da tate vakwe.

Isaya 19:3

Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.

Isaya 44:23

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.

2 Samuwele 17:14

Sekoko Abhisalome ni votshe vavamna va ka Israyeli va to kha vona: Mapswi a Husayi, muariki, ma pfala kupinda a Ayitofeli ( nguko Mkoma a rumisile toneto, kasi kutxhipisa mapswi amanene a Ayitofeli, kuva Mkoma e tisa dikhombo txitimwi ka Abhisalome).

2 Samuwele 15:34

Kambe ngako u txo tshumela uya didhoropani u ya gela Abhisalome u txi khawe: Awe mfumeli, ani ni na maha txithumi txako, nga kule ni kale ni nga ti ti txithumi txa tate wako, ni konkuwa ani ni na maha txithumi txako, se wu na mana ku ni vhuna kukaneta wudhota wa Ayitofeli.

Genesisi 11:8

Sekoko Mkoma, a to va hangalasa txitimwi ka otshe mafu, ve leka kuaka didhoropa.

2 Vafumeli 6:9

Aniko Elixa m'thu wa Txizimu a to khene ka Israyeli: Ti wonele, u nga pinde ngu ka wukhalwewo; nguko Vasiriya va hale.

Nehemiya 4:9

Athu koko hi to kombela ka Txizimu txathu, hi veka muwoneleli, wusiku ni mitshikari, ngu mhaka yawe.

Jeremiya 19:7

Ka wuwa wukhalo ni na hangalasa makungo a Judha ni a Jerusalema; ni na va maha vewa ngu ditxhari da valala vawe, ngu manza a va va xotako wutomi wawe. Sirumbi sawe si na dyiwa ngu sinyana sa nzuma ni sihari sa txitinga.

Ezekhiyele 20:32

Kambe ati ti ku mapimoni kwanu, kha ti na mbi maheka, ngu ku mi ku khanu: Hi na fana ni matiko, hi txi nga timwani tihunzu ta ha mafuni, va thumelako so vatwa ni sa kuwumbwa.

Malakiya 1:4

Hambi ku ngako Edhomi a txo womba a txi khene: Hi mahilwe sisiwana, ngu mhaka yeto, hi na tshumela hi aka marumbini, a womba tiya Mkoma wa Mabutho a Tiyimbi: Vona va na aka, aniko ani ni na hoxota, se va na va dhana ku Ditiko da Wubihi, ni Vathu vale Mkoma a nga va henyela ngu ha ku si gwitiko.