Masalmo 32:8 - Bhiblia Yo Sawuleka

⁸ “Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

Masalmo 32:8 Referans Kwoze

Masalmo 33:18

Mkoma ngene a xayisako ava va mthavako, avale va thembako wunene wakwe,

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Isaya 49:10

Kha va na mbiswa va txi pfa nzala, mwendo ditora, hambi txiwunda mwendo ditambo, kha si na mbi va xanisa, nguko awule a ku ni wumbilu navo, a na va tsimbitisa, e va yisa ngu kuthutha sisimani ka mati.

Mavingu 3:1

Mwanangu, u nga divale kulaya kwangu, kambe mbilu yako yi na vekete milayo yangu.

Masalmo 34:11

Vanangu, ngonani, mi ta ni engisa: Ni na mi gondisa kuthava Mkoma.

Genesisi 24:48

Se ni to khizama ni txi khozela Mkoma, Txizimu txa nyamne wangu Abrahamu, awu a nga ni komba nzila yo lulama, kasi ku ta teka mwanana wa dihorana wa Nahori, mwanawe nyamne wangu, kufela ku e maha msikati wa mwanana wakwe.

Mitengo 9:22

Hambi ngako direfu di txi zumba txitimwi ka nyumba masiku mambidi, mwendo mtxima, mwendo mbimo yo lapha ngutu, ni vona vanana va ka Israyeli va ti ka so zumba ka matenda awe va si khukhi; se ku nga ti direfu di txi khukha ni vona va txo khukha.

2 Samuwele 22:33

Txizimu dikhokhola dangu, ni mtamo wangu, ngu txona txi mahako nzila yangu yi va yo hetiseka.

1 Vafumeli 8:36

va engise awe koko nzumaniyo, u divalela txionho txa sithumi sako ni txa vathu vako va ka Israyeli, ni ku va gondisa to va na tsimbile ngu nzila ya yinene, nisa mati ka mafu awa u nga ninga vathu vako kuva thomba.

Masalmo 25:12

M'thu wule a thavako Mkoma ene wa m'gondisa nzila yi a fanelako kutsimbila ngu yona;

Masalmo 143:8

Ni ninge kupfa wumbilu wako ni mixo, nguko ani ni themba awe. Ni kombe nzila yi ni fanelako kutsimbila ngu yona; nguko ni guleta moya wangu kwako.

Isaya 48:17

Mkoma, i ku Mutiruli wako, Msawuleki wa Israyeli, a khene: Ani ngani Mkoma, Txizimu txako, awu a ku gondisako ti ti vhunako, ni ku kukomba nzila yi u felako kutsimbila ngu yona.