Masalmo 32:6 - Bhiblia Yo Sawuleka

⁶ Ngu mhaka yeto, ka mbimo ya kuxaniseka, votshe vale va kuthembako va na khongela kwako, u txi ngadi u maneka; hambi mati amangi ma txi khulunga, kha ma na mbi va hokela.

Masalmo 32:6 Referans Kwoze

Isaya 55:6

Lavani Mkoma a txi ngadi e maneka, m'dhaneni a di ngadi hafuhi.

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

2 Vakorinto 6:2

Nguko, txona txi womba tiya: Ni ku engisile ngu mbimo ya yinene, kambe ni kuvhuni ngu ditshiku da kuhanyiswa. Ayiya ngu yona mbimo ya yinene, adiya ngu dona ditshiku da kuhanyiswa.

Johani 7:34

Mi na ni lava, kambe kha mi na mbi ni mana, nguko aha ni ku kona, anu kha mi sikoti kuta.”

Mavingu 1:28

Sekoko mi na ni dhana, aniko ani kha ni na mbi xamula; mi na ni lava ngu mabimbi-kutxa, aniko kha mi na mbi ni mana.

Masalmo 4:3

Ti ziveni taku Mkoma wa maha sidiwukiso ka wule a mrandako, Mkoma wa ni engisa, ngako ni txi kwangula masoni kwakwe.

Masalmo 144:7

U di kona txitimwiyo, nawuluta manza ako, ni thavise u ni hulukisa ka mati awa amangi, ni manzani ka vanana va vamatiko,

Masalmo 42:7

Hahatshi ka mikova yo hokoma ngutu kupfala kudhinda ka singwalangwanda sako; otshe mavimbi ako ni kukhulunga ka mati ako si pindile ngu txitimwi kwangu.

Masalmo 40:3

Mkoma a ni ningile kuthula ndando ya yiphya, m'zeno wa kudhumisa Txizimu txathu. Vavangi, ngako va txi ti wona tiya, va na xamala, kambe va na themba Mkoma.

Titosi 2:12

yona yi hi gondisa kuhambana ni to biha ni minavelo yo biha ya ditiko, ti to hi txi hanya ngu kutipimela ni kululama ni txithavo ditikoni muwa,

2 Vakorinto 1:4

txona txi hi thavelela ka sotshe sixaniso sathu, kasiku hi sikota kuthavelela ava va karatekako, ngu yona thavelelo ayi nathu hi thavelelwako ngu yona ngu Txizimu.

Isaya 49:8

Mkoma a womba tiya: Ni ku engisile ngu mbimo ya yinene, ni kuvhuni ngu ditshiku da kuhanyiswa, ni na kuxayisa, ni na kumaha txitumelelano ka vathu kasi ku u na wusa ditiko ni kuvaninga kuva tithomba tawe tile ti nga xaselwa;

1 Timoti 1:16

A ni mahete wumbilu ani txionhi txo thanga, kasiku Jesu Kristu a txi kombisa ngu ngani kotshe kutimisela ka mbilu yakwe, a txi ni maha txikombiso ka vale va no kholwa kwakwe, ti to ve mana wutomi wo mbi guma.

Masalmo 91:7

1.000 wa vathu va na wa didhawa kwako, ni 10.000 txinene kwako, aniko awe khu na mbi hokelwa.