Masalmo 32:3 - Bhiblia Yo Sawuleka

³ Mbimo yi ni nga malala, marambu angu ma to karala ngu kudila kwangu dotshe ditshiku.

Masalmo 32:3 Referans Kwoze

Masalmo 38:8

Ni rerekile, ni wite hahatshi ngutu; ni keta ngu mhaka ya kuxaniseka ka mbilu yangu!

Masalmo 38:3

Ku walo txihango txa mmidi wangu, txi hanyako; ngu mhaka ya kuhenya kwako, kuwalo kuhanya marambuni kwangu ngu mhaka ya sionho sangu.

Sidilo 3:8

Hambi ni txi dila, ni kupeka huwa, ene kha amukeli mkombelo wangu.

Masalmo 22:1

“Txizimu txangu, Txizimu txangu, u ni lekete txani kani?” Ngu kutxani u swelako kuxamula mapswi a kudila kwangu kani?

Hoseya 7:14

Se kha va dila kwangu ngu timbilu tawe, kambe va txi keta va di hamatahoni kwawe; va tshanganete fulaho ni vhinya, aniko ani va ni tshuralete.

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

Jobe 30:30

Didhowo dangu di to nzihala, ni marambu angu ma hisilwe ngu lisani.

Masalmo 51:8

Ni ninge kuengisa mapswi a litsako ni kunengela; ni na tshumela ni tsaka, hambiko u nga funyeletela sihango sangu.

Sidilo 3:4

A kumbisile mmidi wangu ni didhowo dangu a txi funyetela ni marambu angu.

Sidilo 1:3

Judha a tsute wukhumbini, ngu mhaka ya kupandiseka, ni kukula ka wukhumbi wawe; a zumba hagari ka matiko, kha humuli; votshe vatovelisi vakwe va mkhakhetile ha kupandisekani kwakwe.

Isaya 59:11

Athu hotshethu ha bhonga ku nga singwingwi kambe hi simama hi dilisa ku nga situvani; hi verela kulamulwa, aniko kha ku humeleli; hi verela kuhanyiswa aniko ku kule ni nathu.

Isaya 51:20

Vanana vako va tsivate, va otete mahandakanyani ka totshe tinzila, kufana ni timhuti amu ka milawu; sekoko va tate ngu kuhenya ka Mkoma ni kukawuka ka Txizimu txako.

Masalmo 6:2

Telwa ngu wumbilu ngu ngani, Mkoma, nguko na thidhela; ni kondete, Mkoma, nguko marambu angu ma dhudhumela.

Jobe 30:17

Ni wusiku na gogonywa ngu marambu angu, kambe kubiha kuwa ku ni xomulako, kha ku humuli.

Jobe 3:24

Nguko ni sanzi kudya dipawu dangu, kuta kukarateka kwangu; tihuwa tangu ti maha ngu kuthekela nga mati.

2 Samuwele 11:27

Se ku di pindile txidilo, Dhavhidha a to rumela vo ya mteka eya nyumbani kwakwe; kambe a to mmaha msikati wakwe, ene e m'velekela mwanana wa mfana. Kambe mhaka yi ya Dhavhidha a nga yi maha yi ti bihile masoni ka Mkoma.

Isaya 57:17

Ngu mhaka ya wubihi wa likungo lakwe, ni henyile, ni va peka; ni to barama, ni henya; aniko sindaka-milayo si to tsimbitisa ngu nzila ya kuranda ka mbilu ya sona.

1 Samuwele 31:13

Se va to teka marambu a kona ve ma kelela hahatshi ka mdonga, kona Jebhesi, ve ti tona sakudya mtxhanu wa masiku ni mambidi.

Mavingu 17:22

Mbilu yo tsaka mrende wa wunene, kambe moya wo funyeka wa omisa marambu.