Masalmo 30:9 - Bhiblia Yo Sawuleka

⁹ Dibhindu muni di no maneka ngu kufa kwangu, ni kurelela kwangu diphalani ka vafi kani? Ina lithulu li nga kudhumisa kani? Mwendo li nga womba-womba ngu ditshuri kani?

Masalmo 30:9 Referans Kwoze

Masalmo 6:5

Msana ka kufa, kuwalo wu a no kualakanya. I mani a no kudhumisa diyivani, kani?

Isaya 38:18

Nguko dithitha kha di sikoti ku kudhumisa, hambi kufa kha ku na ku kupfalisa, kambe kha va na mbi verela ditshuri dako, avale va relelako diphalani.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Masalmo 118:17

Kha ni na mbi fa, aniko ni na hanya kasiku ni xawutela mithumo ya Mkoma!

Masalmo 66:17

Ni txi dhani ni txi txi kombela txivhuno; ni txi dhumisile ngu tindando.