Masalmo 30:7 - Bhiblia Yo Sawuleka

⁷ Awe u wamnene kwangu, Mkoma, kambe u ni ningile kutsana, aniko, ngako u txi ni tshuralela, na tala ngu dizowa.

Masalmo 30:7 Referans Kwoze

Masalmo 104:29

Ngako u txi si sisela khohe yako, sa rereka, ngako u txi si thavisa moya, sa fa, si txi tshumela si maha luthule.

Masalmo 143:7

Mkoma, kuluveta u txi ni xamula, nguko ni gumile mtamo, u nga ni sisele khohe yako, ni nga fanane ni vale va yako diphalani.

Masalmo 89:17

Kha ditshuri, awe u mtamo wathu ni wudhumo wathu; wurena wathu wa tsaniswa ngu wunene wako.

Masalmo 40:2

A ni humisile diphalani ko thisa, ka ndope yi yi dayako; a ni emisile txitimwi ka dirigwi, a txi ni basisela tinzila.

Masalmo 30:5

Kuhenya kwakwe nga mbimo yayidotho dwe, aniko wunene wakwe mbwa yotshe mbimo. Ni wusiku hi otela hi txi dila, kambe ni mixo ha peka mikulungwani ya litsako.

Masalmo 5:12

Nguko awe u katekisa wule a mahako to lulama, wunene wako wa m'vhikela kufana ni txitxhavangu.

Jobe 10:12

U ni ningile wutomi ni tithomba; kambe wumbilu wako wu xayisile moya wangu.

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Isaya 38:17

Wona taku kuthuthani kwangu ni ti ti ni kupandiseka ka hombe; awe koko, wa lirando ngutu, u to khutarela muhefemulo wangu, kha wawa diphalani ka kusina, nguko u tshotshile msana kwako sotshe sionho sangu.

Masalmo 102:10

ngu mhaka ya kuhenya kwako ni kutsukula kwako; u ni guletile, ngu msana u txi ni tshotsha.

Masalmo 44:3

Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.

Masalmo 10:1

Mkoma, nji txani u txi emela kule kani? Nji txani u txi sisala ka sikhati so xanisa kani?