Masalmo 30:6 - Bhiblia Yo Sawuleka

⁶ Ani ni ti tipfa ni di tsani ni txi pimisa nokha ni txi khani: “Kha ni na mbi va ni kuxulwa.”

Masalmo 30:6 Referans Kwoze

Masalmo 119:117

Ni vhune, se ni na huluka ni na xonipha milayo yako yotshe mbimo.

2 Vakorinto 12:7

Ni woni siwoniso so xamalisa ngutu; se kasiku ni si ti dhumisi, ni vekilwe m'pa ha mmidini kwangu, i ku txirumwa txa Sathani, atxi txi ni peketelako, kufela ku ni si ti guleti.

Luka 12:19

Se ni na gela moya wangu ni txi khani: Moya wangu, u na ni silo sasingi, asi si no heta malembe amangi. Humula, dyana, sela u txi ti tsakela.’

Masalmo 16:8

Yotshe mbimo ni na ni Mkoma masoni kwangu; kha ni na mbi dhukiswa ngu txilo, nguko ene a ka didhawa dangu da txinene.

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Isaya 56:12

Ngonani, kuwomba vona, he tiseni vhinya, kambe hi na sela wusuke wo bava; se ditshiku da mangwana di na fana ni dona diya, ni kuva da hombe, da nduma ngutu.

Isaya 47:7

Se u ti ti khawe: “Ni na va mfumeli wa txisikati yotshe mbimo”; kala kuwa khwa veka timhaka tiya mbiluni kwako, hambi kualakanya magwito a tona.

Masalmo 15:5

awule a txenekisako male yakwe asi lavi dibhindu, hambi awule asi tumeliko kuxavelelwa kasi kuninga mnandu m'thu wo mbi na txionho. Awule a mahako tona eto kha na mbi va ni kurereka.

Masalmo 10:6

Mbilu yakwe ya womba yi txi kha yona: “Kha ni na mbi nga va ni kuwiswa, kha ni na mbi welwa ngu dikhombo, ni ditshiku ni da dimwedo.”

Masalmo 126:6

Va tsute va txi dila kuya phaya mbewu, aniko va na wuya va txi embelela ngu kutsaka, na va di rwate tinyanda tawe ta mitxelo.

Isaya 54:7

Ngu mbimo yayidotho ni ku lekile, kambe ni tshumete ni ku wuyisa ngu wumbilu wa hombe;