Masalmo 30:5 - Bhiblia Yo Sawuleka

⁵ Kuhenya kwakwe nga mbimo yayidotho dwe, aniko wunene wakwe mbwa yotshe mbimo. Ni wusiku hi otela hi txi dila, kambe ni mixo ha peka mikulungwani ya litsako.

Masalmo 30:5 Referans Kwoze

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Matewu 5:4

Va katekile ava va dilako, nguko va na thavelelwa!

Isaya 26:20

Tsulani, koko, anu vathu vangu, wulelani tinyumbani kwanu mi ti sekela matimba, baramani ngu mbimoanyana, kala kuza kuboxa kuhenya.

Masalmo 103:9

Kha khali a txi hi kawuka yotshe mbimo, ni dikhulo dakwe kha di simami kala kupinduka;

Masalmo 16:11

U na ni komba nzila ya wutomi; masoni kwako ku tate litsako; ka dianza dako da txinene, ku ni kuzumbiseka ko mbi gwita.

Masalmo 63:3

nguko lirando lako nda lisima ngutu kupinda wutomi! Ni na kudhumisa ngu txisofu txangu

Masalmo 59:16

Aniko, ani ni na embelela mtamo wako; ni mixo, ni na dhumisa ngu litsako wumbilu wako, ngu ku uve wuthavelo wangu wo guleka ngutu, ni m'vhikeli wa da ditshiku da kuxaniseka kwangu.

Masalmo 46:5

Txizimu txi hagari ka dona, vathu va dona kha va na kurereka; Txizimu txi na vindukela ku va vhuna ni mixo.

Masalmo 143:8

Ni ninge kupfa wumbilu wako ni mixo, nguko ani ni themba awe. Ni kombe nzila yi ni fanelako kutsimbila ngu yona; nguko ni guleta moya wangu kwako.

Masalmo 103:17

Aniko lirando la Mkoma kha li nga ni magwito ka vale va m'thavako kululama kwakwe kha ku na magwito ka liveleko ni liveleko,

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Genesisi 32:24

Se Jakobe a to sala ekha. Ku to humelela m'thu wokari a txi ta lwa nayo, kala kuza ku txi gwimba wuronga.

Mtuletelo 22:1

Msana keto, ngelozi yi to ni komba mnambo wa mati a wutomi, o khetima nga kristali; wu txi huma ngu ka txikhalo txa wukoma txa Txizimu ni txa Txinvutana.

Eksodha 3:15

Se Txizimu txi to kha txona ka Mosi: “U na ya womba ka vanana va ka Israyeli u txi khawe: Mkoma Txizimu txa vatate vanu, Txizimu txa Abrahamu, Txizimu txa Isaake ni Txizimu txa Jakobe txi ni rumile kwanu. Adiya nditina dangu ngu hawa ku si gwitiko, di na va txialakanyiso txangu ka liveleko ni liveleko.”

Masalmo 47:7

Txizimu i Mfumeli wa sotshe! Embelelani tindando to tsakisa ngutu!

Masalmo 97:12

Anu vathu vo lulama, tsakani ka Mkoma, mi txi dhumisa ditina dakwe do sawuleka!

Masalmo 145:10

Awe Mkoma, yotshe mithumo yako yi na kudhumisa ni votshe vasawuleki vako va na ku bonga!

Isaya 12:1

Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.