Masalmo 30:1 - Bhiblia Yo Sawuleka

¹ Ni na dhumisa wuhombe wako, Mkoma, nguko awe u ni hulukisile kambe khwa tumela ti to valala vangu va txi ni seka.

Masalmo 30:1 Referans Kwoze

Masalmo 25:2

Txizimu txangu, ni themba awe, u nga ni leke ni txi wiswa tingana. Hambi valala vangu va nga thuke va txi ni seka!

Masalmo 35:19

Va nga thuke ve tsaka ngu dikhombo dangu, avale va ni nyenyako hahanze ka mnandu;

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Masalmo 140:8

Mkoma, vathu vo biha u nga va ninge asi va si lavako; u nga tumele ti to makungo awe o biha meya masoni.

Masalmo 13:4

Mlala wangu a nga thuke a txi khene: “Ni mxute.” Mlala wangu a nga thuke a txi giya ngu kuxuleka kwangu.

2 Samuwele 5:11

Se Hiramu mfumeli wa Tiro, a to rumela mitumi ka Dhavhidha, ni mapulango a mikedhari, ni vavati, ni vaaki va tinyumba, va nga ta akela nyumba Dhavhidha.

Sidilo 2:15

Votshe va vapindako ngu nzila vo bhwabhwatela manza, awe mwanana wa dihorana wa Jerusalema Va txi kuvetela miloti, va txi kuzinginisela misungo, va txi kha vona: “Ina ngu wona m'ti wu wu nga ti dhanwa kale ti to mburi ya timburi, txitsakiso mafuni kotshe kani?”

Masalmo 145:1

Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.

Masalmo 79:10

Nguko vamatiko va na wotisa va txi kha vona: “Txizimu txako txi hani kani?” Va kombe vathuvo, masoni kwathu, kuphotela ka mnoha wa vathu vako, awu wu nga theketwa!

Masalmo 41:11

Ngako mlala wangu asi ni xuli, ni na tiziva konako ti to wa ni tsakela.

Masalmo 28:9

Mkoma, hulukisa ngamu yako, u txi katekisa vathu va va kulumbako; va xayise nga m'dyisi, u txi va vekisa kala kupinduka.

Masalmo 27:6

Ti di halo, ni na sikota kuguleta msungo wangu txitimwi ka valala vangu; ni na sikota kuphaxa mhamba yangu mu Nyumbani ka Txizimu, ni peka mkulungwani wa litsako ni kuembelela tindando to dhumisa Mkoma.

1 Makronika 21:6

Kambe va ka Levhi ni va ka Bhenjamini va kha balwa hagari kwawe, nguko dipswi da mfumeli di si amukelwi ka Jowabhi.

2 Samuwele 24:25

Se Dhavhidha a to aka koneho txiluvelo txa Mkoma, e ningela miphaxo ya kuhiswa ni mningelo wa kudikha. Koneko Mkoma a to tsetsa ditiko, se txitsayiso txile txi to guma txitimwi ka va ka Israyeli.

2 Samuwele 7:2

mfumeli a to khene ka mprofeti Nathani: Wona, ani ni zumba ka nyumba yo akwa ngu tiphande ta mikedhari, kambe dibhokiso da Txizimu di zumba mndani ka mijiyo.

2 Samuwele 6:20

Se mbimo yile Dhavhidha a nga wuya ku ta katekisa nyumba yakwe, Mikali, mwana Sawule, a to huma e hingeta Dhavhidha, a txi khene: Wudhumo muni wu nga mahwa ka mfumeli wa ka Israyeli nyamsi, koza u ti funungula masoni ka sithumi sa txisikati sa sithumi sako, wu txi nga m'thu wo pwata mapimo.

Dhewuteronome 20:5

Sekoko madhota ma na womba ka vathu, ma txi kha ona: “I mani hagari kwanu a nga aka nyumba ya yiphya, ayi a sinziko kukhata kuotela ka yona kani? A na khukhe a txi tsula m'tini kwakwe, kasi asi fi yimbini, se nyumba yakwe yi txi sala yi txi khata kuotelelwa ngu vamwani.

Masalmo 79:4

Se hi maneka hi di sekisa hagari ka vaakelani vathu; avale va nga hi randela va hiseka ni ku hi tseketsela.

Masalmo 66:17

Ni txi dhani ni txi txi kombela txivhuno; ni txi dhumisile ngu tindando.

2 Samuwele 20:3

Mbimo yile koko, Dhavhidha a nga wuya nyumbani kwakwe, kona Jerusalema, a to teka digumi da vasikati vakwe vavadotho, vale a nga ti va site ve xayisa nyumba, e va veka ka nyumba kuva vawoneleli, a txi va dyisa; aniko kha wulela kwawe, kambe a to va vhalela kala ditshiku da kufa kwakwe, ve hanya kufana ni tinoni.

1 Vafumeli 8:63

Se Solomoni a to ningela mphaxo ngu kuthutha, mphaxo wu a nga wu maha ka Mkoma, 22.000 wa tihomu ta mikati, mbwa ni 120.000 wa tinvuta; ngu kumaha keto mfumeli ni votshe vanana va ka Israyeli, va to ningelisisa Nyumba ya Mkoma.