Masalmo 3:5 - Bhiblia Yo Sawuleka

⁵ Na rwama ni txi otela wotshe wusiku, ngu msana ni txi wuka, nguko Mkoma wa ni vhikela.

Masalmo 3:5 Referans Kwoze

Masalmo 4:8

Ni na rwama ni txi otela ngu kudikha, nguko awe, Mkoma, ngawe dwe u ni ningako kuhanya ngu kuxayiseka.

Mavingu 3:24

Mbimo yi u no otela, khu na mbi thava; ngako u txi na otela, ni wukohe wako wu na va wo tsakisa ka wusiku wotshe.

Isaya 26:3

Awe u na xayisa ngu kudikha awule mapimo akwe ma nga tsana kwako; nguko ene wa kuthemba.

Levhi 26:6

Ni na ninga kudikha ditikoni; se mi na otela mi di tsani, kha ku na mbi va ni wa ku mi dhukisa; kambe ni na fuvisa sihari sa tshofu sa mafu, ni ti to ditikoni kwanu kha ku na mbi maneka ditxhari.

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.

Masalmo 127:2

Kha ti mi vhuni txilo kuphindula ni mixo ngutu, mi txi pila mi txi thuma kala hagari ka wusiku, kufela kudya mihando ya mnyuko wanu, na kasi Txizimu, ka vale txi va randako, txa va ninga soneso, hambi va di otete.

Mavingu 14:26

Mndani ka kuthava Mkoma ku ni themba yo tsana, kambe ku nava wuthavelo wa vanana vakwe.

Masalmo 66:9

Ngu Njizimu txi hanyisako wutomi wathu kha txi tumeli ti to mikondo yathu yi rithimuka.

Mithumo 12:6

Ku ti ngako Herodha a txi pimisa ku mu humisa masoni ka vathu, ni wusiku wa kona Pedro a ti otete hagari ka masotxhwa mambidi, na a di sungilwe ngu titxhini timbidi, na kambe ha txikeni ka mkora ku ti ni vawoneleti.

Masalmo 34:5

Avale va mu wonako va na tala ngu litsako; kha va na mbi va ni kuwiswa tingana.