Masalmo 3:4 - Bhiblia Yo Sawuleka

⁴ Ngu dipswi do guleka na peka huwa kwakwe Mkoma, se ene wa ni angula a di mmangoni kwakwe ko sawuleka.

Masalmo 3:4 Referans Kwoze

Masalmo 34:4

Ni lavile Mkoma, se ene a ni xamute, a txi ni hulukisa kambe, aha ka dizowa dangu.

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Masalmo 34:6

Ngako txisiwana txi txi dhana Mkoma, ene wa txi xamula, kambe wa txi hulukisa ka sotshe sixaniso.

Jakobe 5:13

Wa ho wa kuxaniseka hagari kwanu, kani? A na khongele. Wa ho wa kutsaka hagari kwanu, kani? A na embelele tindando ta kudhumisa.

Matewu 7:7

“Kombelani, mi na ningwa; lavani, mi na si mana; gogotani, mi na tulelwa.

Masalmo 43:3

Ni kombe liwoningo lako ni ditshuri dako, kasiku si ni komba nzila yi yi yisako mmangoni ka Siyoni, wuzumbeloni kwako ko sawuleka.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

Masalmo 138:3

Ka ditshiku dile ni nga kudhana, u ni engisile u ni pfisisile, u tsanisa moya wangu.

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Masalmo 18:3

Ni na khumbuka ditina da Mkoma, di dinganako kudhumiswa, se ni na txhatxhiswa ka valala vangu.

Masalmo 27:6

Ti di halo, ni na sikota kuguleta msungo wangu txitimwi ka valala vangu; ni na sikota kuphaxa mhamba yangu mu Nyumbani ka Txizimu, ni peka mkulungwani wa litsako ni kuembelela tindando to dhumisa Mkoma.

Masalmo 28:7

Mkoma ngene m'vhikeli wangu wa mtamo; ni themba ene ekha, ene a ni vhuni, ngu toneto mbilu yangu yi tsakile, se ni na dhumisa ngu kuembelela tindando.

Masalmo 62:8

Votshe va na themba txona Txizimu yotshe mbimo va txi txi dhumisa ngu yotshe mbilu! Txizimu mbuthavelo wathu!

Masalmo 84:12

Mkoma wa mtamo wotshe, va katekile avale va kuthembako!

Masalmo 89:19

Kale u wombawombile ngu siwoniso ka sithumi sako so thembeka u txi khawe: “Ni ningile mtamo dizambi da ndena; ni fumisile dijaha, ni ngadi sawula hagari ka vathu vangu.”

Masalmo 119:114

Awe ngawe wuthavelo wangu ni txitxhavangu txangu, ani ni themba dipswi dako.

Mavingu 2:7

Avale vo lulama, ene wa va vekela wutxhari wa ditshuri; txitxhavangu nja vale va tsimbilako ngu kuthembeka,

Sidilo 3:56

U engisile dipswi dangu! U nga tsive nzeve yako kudilani kwangu, ni ka huwa yangu!