Masalmo 28:5 - Bhiblia Yo Sawuleka

⁵ Vona kha va khatali ngu tile Mkoma a nga ti maha, kambe kha va wonisisi mithumo yakwe ya hombe; ngu mhaka ya eto, a na va tsayisa, a txi va lovisa kala kupinduka.

Masalmo 28:5 Referans Kwoze

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Johani 12:37

Hambiko a nga maha sidiwukiso so tala masoni kwawe, kha va kholwa kwakwe,

Masalmo 10:5

Mithumo yakwe ya nyawula txotshe txikhati. Kulamula kwako, Mkoma, ku txitimwi ngutu kwakwe; ene wa poyilela valala vakwe votshe.

2 Samuwele 7:13

Awuwa a na akela nyumba ditina dangu, se ni na tsanisa txikhalo txa mfumo wakwe kala kupinduka.

Varoma 1:20

Nguko asi sa Txizimu si si wonwiko ngu maso, i ku mtamo wa txona wo mbi na magwito ni wuzimu wa txona, eso sa ti wonekisa amu ka mithumo ya txona, kukhukhela kuvangwani ka ditiko; ngu konaho kha va na nzila yodanga ngu yona.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Jeremiya 31:4

Ni na kuaketa, u na va u di akilwe, awe wotuma wa Israyeli; u na tshumela u txi ti longisela sikhiti, u txi huma kuya sinya ngu kutsaka.

Isaya 45:18

Nguko Mkoma a womba tiya, awule a nga maha tinzuma, Txizimu txi txi nga wumba mafu txi ma vanga; txona txi ma tsanisile, kha txa ma maha diphanga, aniko txi ma vangile kasi ku vathu ve zumba ka ona: Ani ngani Mkoma, kha ku na mmwani.

Isaya 45:12

Ani ni vangile mafu, kambe ni vangile m'thu ka ona; ani ni m'vangile, manza angu ma nawulutile tinzuma, se ni otshe mabutho a kona ni ma ningile mlayo wangu.

Isaya 45:8

Anu tizuma nisani mwando, ni marefu ma na nise kululama; ma na tuleke mafu, se kuhuma kuhanyisa, kululama ku na ninge mihando kumweko; ani Mkoma, ni si vangile.

Isaya 40:26

Gulani maso mi wona txitimwi, mi wona taku i mani a nga vanga sona siya. I mani a nga ti vangela so talisa tiya, i mani asi dhanako sotshe ngu matina a sona; ngu mhaka ya wuhombe wa mtamo wakwe, ni kutsana ka mtamo wakwe, kha ku na mbi pwateka ni txa tximwetxo.

Isaya 22:11

Kambe mi mahile sisima hagari ka maguma mambidi txo thela mati a txisima txa kale, aniko kha ma wona txitimwi, kambe kha ma khatala ngu wule a nga va nga sona, hambi kukhatala ngu wule a nga si va nga kukhukhela kaleko.

Masalmo 104:24

Mkoma, awe u mahile simaha sasingi u mahile sotshe ngu wuzivi wa hombe! Mafu ma tate ngu sivangwa sako!

1 Vafumeli 11:38

Se ku na maheka ti to u txi engisa totshe ti ni no kuruma, u tsimbila ngu totshe tinzila tangu, u maha ta tinene masoni kwangu, u txi veketa sileleto sangu ni milayo yangu, ku nga ti txithumi txangu Dhavhidha a nga mahisa tona, ani ni na va ni nawe, ni na kuakela nyumba yo tsana, ku nga kule ni akela Dhavhidha, ni na kuninga Israyeli.

2 Samuwele 7:27

Nguko awe, Mkoma wa Mabutho a Tiyimbi, Txizimu txa Israyeli, u wombile tinzeveni ka txithumi txako, u txi khawe: Ni na kuakela nyumba. Ngu kumaha keto, txithumi txako txi mani mtamo wo maha mkombelo wuwa mbiluni ka txona.

Mitengo 23:23

Nguko kha wu ngaho wurindi wo wukela Jakobe. Hambi wuñanga wo dingana kuwukela Israyeli. Yata mbimo yi ku no wombwa ngu Jakobe ni Israyeli ngu txikhati txa kona. Njitxani txi nga mbi mahwa ngu Txizimu!

Masalmo 8:3

Ngako ni txi wonisisa nzuma, mthumo wa manza ako, ni mtxima ni tinyeleti, asi u nga si maha, ni pimisa ni txi khani;