Masalmo 28:3 - Bhiblia Yo Sawuleka

³ U nga ni pate ni sigevenga, ni vale va mahako kubiha; vona va womba kuthutha ka mu akelani wawe, aniko timbiluni kwawe, va na ni kubiha.

Masalmo 28:3 Referans Kwoze

Masalmo 55:21

Va womba-womba mapswi o swililika kupinda bhotela, aniko mipimiso yawe nja yimbi; va womba-womba mapswi o tshamba kupinda mtona, kasi ona matxhari o lotwa.

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Masalmo 26:9

U nga ni fuvise kumweko ni vaonhi; ni hulukise ka txitsayiso txa sigevenga,

Mika 3:5

A womba tiya Mkoma ka vaprofeti, va va timetako vathu vangu, va va lumako ngu makwasa awe va txi kha vona: Kuthutha! Se awule asi va kovetisiko txilo mkanani, va mxomela yimbi.

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Masalmo 62:4

Mi alakanya wurena dwe mi thumisa makuhu kufela kudaya. Ma dhumisa ngu txisofu txanu, aniko ngu mbilu ma ruketela.

Masalmo 36:4

Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Masalmo 7:14

Wonani m'thu wo soholoka wa lumwa ngu txionho, ana ni txirumbu txa wubihi se a na veleka makuhu.

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

Masalmo 52:1

Ngu kutxani u txi ti guleta mu kubihani kwako, kani? Lirando la Txizimu kha li gumi!

Masalmo 10:7

Txisofu txakwe txi tate ngu kuruketela, ni makuhu ni sipoyilelo; kuwombawombani kwakwe ku ni tshofu ni wubihi.

Mitengo 16:26

Se Mosi a to womba ka msengeletano a txi khene: Humani amu matendani ka vathuvo va kubiha, mi nga gweseni txiya ni txa tximwetxo txawe, nguko mi nga loviswa ngu sionho sawe sotshe.

Masalmo 141:4

U nga leke mbilu yangu yi wekelela ka to biha; mwendo kutalelwa ngu timhaka ta walo hambi vale va mahako to biha.