Masalmo 28:2 - Bhiblia Yo Sawuleka

² Engisa mikombelo yangu, ngako ni txi kudhana, nga ti ni txi guleta manza angu, ni txi ma yisa nyumbani kwako ko sawuleka.

Masalmo 28:2 Referans Kwoze

Masalmo 138:2

Ni na rendekela dithepeleni kwako ko sawuleka, kambe ni na bonga ditina dako, ngu mhaka ya lirando lako ni ditshuri dako; nguko u guletile dipswi dako txitimwi ka dotshe ditina dako.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

Masalmo 140:6

Ani ni ti khani ka Mkoma: “Awe ngawe Txizimu txangu!” Engisa huwa ya kudila kwangu, awe Mkoma!

Masalmo 134:2

Gulani manza anu, nyumbani ko sawuleka, mi dhumisa Mkoma!

Masalmo 5:7

Aniko, ani, ngu wuhombe wa lirando lako, na sikota kuwulela nyumbani kwako ni txi kukhozela amu Dithepeleni kwako ngu txithavo.

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

Sidilo 2:19

Wuka, u peka nyandayeyo, u dila kukhatani ka sigava sa mikombelo ya wusiku, tshakunuta sotshe si si ku mbiluni kwako. U txi si humisa kubasani, masoni ka nyamne wa sotshe. Guleta mawoko ako kwakwe, u txi phaxela vanana vako, ava vafako ngu nzala sidingeni ka otshe magondo.

Masalmo 143:6

Na guleta manza angu kwako, ni khongela; Kufana ni mafu a kuoma, moya wangu wa pfa ditora ngu ngawe.

Masalmo 125:5

Aniko avale va hambukako ve londisa tinzila to gombonyeka Mkoma a na va lovise kumweko ni sigevenga. Kudikha ku nave ni va ka Israyeli!

Masalmo 63:4

ni na ku bonga otshe masiku a kuhanya kwangu; ni na guleta manza angu me komba kwako ngako ni txi khongela.

2 Makronika 6:13

Nguko Solomoni ati mahile txikadha txa koporo, txi ku ni mtxhanu wa mikono ya kulapha ka txona, ni mtxhanu wa mikono ya kuanama, ni mikono yiraru ya kudemba, e txi veka hagari ka mtendela, se e kwela ka txona e khizama ngu mazolo masoni ka wotshe msengeletano wa Israyeli, e guleta mawoko akwe me komba nzumani.

1 Vafumeli 8:38

yotshe mikombelo ni kotshe kudila ku no mahwa ngu ni wihi m'thu wa ka Israyeli, aha koza mmweyo ni mmweyo epfa kupanda ka mbilu yakwe e nawuluta dianza dakwe ka yiya nyumba,

1 Vafumeli 6:19

Se ngu mndani ka nyumba ya hagari, a to aka wukhalo wa siprofeto, kasi kuveka konamo dibhokiso da txitumelelano txa Mkoma.

1 Vafumeli 6:5

Ngu hahanze ka diseta a to aketela sinyumbana, ka madhawa a maseta a Dithepele ni ka wukhalo wa siprofeto, se a to aketela sinyumbana.

Masalmo 130:2

Mkoma, engisa dipswi dangu! Tinzeve tako ti na engise dipswi da kudila kwangu!

Masalmo 141:1

Mkoma, na dila kwako; engisa dipswi dangu, namisa nzeve yako ka huwa yangu mbimo yi ni ku dhanako.

Dhaniyeli 6:11

Sekoko vavamna vale va to tsula votshe, veya mana Dhaniyeli a txi kombela, ni kudila, masoni ka Txizimu txakwe.