Masalmo 28:1 - Bhiblia Yo Sawuleka

¹ Ni na kwangula kwako, Mkoma, awe dirigwi dangu; u nga tsive tinzeve ka mkombelo wangu. Ngako awe u si ni engisi, ni na fana ni vale va relelako mathowoni.

Masalmo 28:1 Referans Kwoze

Masalmo 143:7

Mkoma, kuluveta u txi ni xamula, nguko ni gumile mtamo, u nga ni sisele khohe yako, ni nga fanane ni vale va yako diphalani.

Masalmo 18:2

Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Mavingu 1:12

a hi va miteni va txi hanya, ku nga ho va mayiva, votshe nga vale va relelako diphalani;

Masalmo 83:1

Txizimu, u nga malale! U nga khutarele mawoko u txi wonetela, awe Txizimu!

Mtuletelo 20:3

Yi mrinza diphalani ko hokoma, adiya yi ngadi khubhunyeta, yi di lema ngu txixambanyo, kasi ku asi engeti e kanganyisa mifumo, kala me guma malembe a 1.000. Msana keto, a fanete kuthukunyulwa ngu mbimwanyana.

Isaya 26:4

Thembani Mkoma ngu ha ku si gwitiko, nguko Mkoma Txizimu, dirigwi da yotshe mbimo.

Jobe 33:28

Aniko Txizimu txi hulukisile muhefemulo wangu kuya diphalani; se ni na wona liwoningo, ni txi ngadi ni hanya.

Isaya 38:18

Nguko dithitha kha di sikoti ku kudhumisa, hambi kufa kha ku na ku kupfalisa, kambe kha va na mbi verela ditshuri dako, avale va relelako diphalani.

Masalmo 35:22

Aniko awe, Mkoma, u ti woni nawe! U nga malale! U nga ti hambanise ni nani, Mkoma!

Masalmo 30:9

Dibhindu muni di no maneka ngu kufa kwangu, ni kurelela kwangu diphalani ka vafi kani? Ina lithulu li nga kudhumisa kani? Mwendo li nga womba-womba ngu ditshuri kani?

Masalmo 22:2

Txizimu txangu, na dila ni mitshikari, kambe khu ni xamuli; na dila ni wusiku, kambe kha ni mani kuzumbiseka.

Masalmo 3:4

Ngu dipswi do guleka na peka huwa kwakwe Mkoma, se ene wa ni angula a di mmangoni kwakwe ko sawuleka.

Masalmo 77:1

Na kwangula ka Txizimu ngu dipswi da mtamo, na dila ka Txizimu kasiku txona txi txi ni engisa.

Masalmo 69:15

U nga ni leke ni txi ndindwa ngu mpswinga; u nga ni leke ni mitwa ngu diphala do hokoma u nga tumele ti to txisofu txa txisima txi vhaleka txitimwi kwangu!

Masalmo 5:2

Engisa huwa yangu, awe Mkoma wangu ni Txizimu txangu, nguko ani ni tisa kwako mkombelo wangu.

Masalmo 142:1

Ni dite ka Mkoma ngu dipswi dangu ngu dipswi dangu ni khongete ka Mkoma.

Masalmo 39:12

Mkoma, engisa mkombelo wangu, riya nzeve u txi engisa miketo yangu! U nga ti hunde, ngako u txi pfa kudila kwangu. Masoni kwako ani ni nyamtangumo, ni mpindi kufana ni votshe vakale vangu.

Masalmo 42:9

Ni lava kuwombawomba ni nawe, Txizimu, ni txi khani: M'vhikeli wangu ngu ngawe, ngu kutxani u txi ni divala kani? U txi ni leka ni xupheka, na mlala wangu a txi ni xanisa?

Masalmo 30:4

Embelelani, mi txi dhumisa Mkoma, anu motshe mi mthembako; m'bongeni mi txi huwelela tito, a sawulekile!

Masalmo 142:2

Ni tshakunuta txikarato txangu masoni kwakwe; ni mxawutela xomulo yangu: