Masalmo 27:9 - Bhiblia Yo Sawuleka

⁹ U nga ni tshuralele! U nga ni henyele! Ngawe wekha u ku m'vhuneteli wangu! U nga ni leke. U nga ni tshotshe, awe Txizimu, Muhanyisi wangu.

Masalmo 27:9 Referans Kwoze

Masalmo 69:17

U nga ni sisele khohe yako ani txithumi txako; ni xamule ngu kukuluveta, nguko ni ha phangoni!

Masalmo 143:7

Mkoma, kuluveta u txi ni xamula, nguko ni gumile mtamo, u nga ni sisele khohe yako, ni nga fanane ni vale va yako diphalani.

Masalmo 102:2

U nga ni sisele khohe yako, mbimo yi ni ku kupandisekani; siza u txi engisa kuvilela kwangu! Kuluveta u txi ni xamula, ngako ni txi kudhana!

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

Jeremiya 32:40

Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

Masalmo 24:5

Ka vonavo, Mkoma Txizimu, Muhanyisi wawe, a na va katekisa e va hakela ngu kululama.

Masalmo 119:121

Ni xayisile mlayo ni kululama, u nga ni ningele manzani ka valala vangu.

Masalmo 88:1

Mkoma, Txizimu txangu ni Muhanyisi wangu, wusiku ni mitshikari na ku kombela txivhuno.

Masalmo 51:11

U nga ni rethele kule ni nawe, u nga ni tekele moya wako wo sawuleka!

Masalmo 44:24

Ngu kutxani u sisa khohe, u divala kuxaniseka kwathu, ni kukhoziswa kwathu kani?

Masalmo 13:1

Mkoma, u na ni divala kala mbimo muni, kani? Wo ni leka ngu nyahele kani? U na ni sisela khohe yako kala mbimo muni kani?

1 Samuwele 7:12

Sekoko Samuwele a to teka dirigwi e di emisa hagari ka Misipa ni Semi, kambe a to raya ditina daku Ebhenezeri, a txi khene: Kala hawa, Mkoma a hi vhuni.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Isaya 59:2

Aniko wubihi wanu wa veka muhingano hagari kwanu ni Txizimu txanu, ni sionho sanu si sisa khohe ya Txizimu kwanu, kasi ku txi si mi engisi.

Masalmo 69:18

Tshuketa hafuhi kwangu u ni hanyisa; ni ponise ka valala vangu!

Masalmo 102:3

Nguko masiku a kuhanya kwangu ma mwalala nga wutshi; mmidi wangu wa tura nga makala a mndilo.