Masalmo 27:6 - Bhiblia Yo Sawuleka

⁶ Ti di halo, ni na sikota kuguleta msungo wangu txitimwi ka valala vangu; ni na sikota kuphaxa mhamba yangu mu Nyumbani ka Txizimu, ni peka mkulungwani wa litsako ni kuembelela tindando to dhumisa Mkoma.

Masalmo 27:6 Referans Kwoze

Masalmo 3:3

Aniko awe, Mkoma, u txitxhavangu txangu txo ni vhikela; awe u wudhumo wangu, ngawe u ni tsanisako.

Vahebheru 13:15

Ngu ngene ahi ningeleni yotshe mbimo mhamba yo dhumisa Txizimu, ti ti wombako m'hando wa txisofu txi txi fakazako ditina dakwe.

Masalmo 107:22

Phaxani timhamba ta kubonga mi txi huwelela mithumo yakwe ngu litsako.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

2 Samuwele 22:49

kambe txi ni thavisako hagari ka valala vangu, se awe wa ni guleta txitimwi ka vale va ni wukelako; u ni txhatxhisa ka m'thu wa mtamo.

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Masalmo 95:1

Ngonani hi ta dhumisa Mkoma ngu mikulungwani ya litsako; a hi huweleleni m'vhikeli ni muhanyisi wathu.

2 Samuwele 7:9

Se ni tsute ni nawe, ni hani mu u ngaya kona, kambe ni xasete valala masoni kwako, ni kulisa ditina dako, kufana ni matina a vahombe va va kuho ha mafuni.

Jeremiya 31:7

Nguko Mkoma a khene: Embelelani ngu litsako ka Jakobe, giringani ngu mhaka ya wu i ku mfumeli wa matiko; embelelani tindando, mi txi khanu: Mkoma, hanyisa vathu vako, i ku misalelwa ya Israyeli.

Masalmo 138:5

Kambe va na embelela tinzilani ka Mkoma, nguko wudhumo wa Mkoma mbwa hombe.

Masalmo 110:7

A di hanzila mfumeli a na sela mati a mlonga se mati ma na mninga mtamo wa kuxula.

Masalmo 81:1

Embelelani, mi dhumisa Txizimu, m'vhikeli wathu! Pekani mikulungwani ya kutsakela Txizimu txa Jakobe!

Masalmo 47:1

Anu motshenu vathu, pekani manza! Losani Txizimu ngu mikulungwani ya kutsaka!

Masalmo 21:13

Komba mtamo wako, Mkoma, hi na embelela, hi txi dhumisa mtamo wako.

Masalmo 21:1

Mfumeli wa tsaka mtamoni kwako, Mkoma, wa tsaka ngutu, nguko u mningile kuxula valala.

1 Makronika 22:18

Ina Mkoma Txizimu txanu kha nga ni nanu, niku kha mi ninga kuhumula ka otshe madhawa kani? Nguko a ningete manzani kwangu vazumbi va ditiko; se ditiko di hahatshi ka Mkoma ni ka vathu vakwe.

2 Vafumeli 25:27

Msana keto, ku to maheka tito, ka dilembe da magumi mararu ni mtxhanu wa malembe ni mambidi, a wukhumbi wa Jowakimu, mfumeli wa ka Judha, ka mtxima wa digumi ni yimbidi, ngu ditshiku da magumi mambidi ni mtxhanu wa masiku ni mambidi, Evhili-Merodhaki, mfumeli wa Bhabhilona, ka dilembe dile a nga fuma ngu dona, a to txhatxhisa Jowakimi, mfumeli wa ka Judha, nyumbani ka kukhotelwa.

2 Samuwele 22:1

Se Dhavhidha a to womba ka Mkoma mapswi a ndando yiya, ka ditshiku dile Mkoma a nga mtxhatxhisa manzani ka votshe valala vakwe ni manzani ka Sawule.

Genesisi 40:13

kambe mndani ka masiku mararu, Faro a na kuguleta u txi tshumelela mthumoni kwako, se u na ya veka kopo manzani ka Faro, madingano ni tolovelo ya kale, mbimo yi u nga ti mtheleli wakwe.

Genesisi 40:20

Kha ditshuri, ka ditshiku da wuraru, i nga ti ditshiku da kutshanganisa malembe a kuvelekwa ka Faro, ene a to maha m'buso wo mahela vathangeli vakwe votshe, kumweko ni vathangeli va vatheleli vakwe va so sela, ni mthangeli wa vabhiki va mapawu akwe, hagari ka vathangeli vakwe votshe.

Masalmo 3:4

Ngu dipswi do guleka na peka huwa kwakwe Mkoma, se ene wa ni angula a di mmangoni kwakwe ko sawuleka.

Masalmo 57:8

Moya wangu, wuka! Wukani awe txitende ni nawe haripa! Nyamsi ni lava kuwusa wuronga!

Masalmo 119:108

Mkoma, engisa mkombelo wangu wa kubonga, ni gondise mithetho yako.