Masalmo 27:3 - Bhiblia Yo Sawuleka

³ Hambi ngako dibutho da yimbi di txi ni randela, kha ni na mbi va ni dizowa; hambi ngako valala ve xoma va txi ni talela, ani ni na maneka ni di tsani.

Masalmo 27:3 Referans Kwoze

Masalmo 3:6

Kha ni na mbi va ni dizowa ni magumi a mazana a vathu, va nga ni randela kasi kulwa ni nani.

1 Pedro 3:14

Kambe ngako mi txi xaniswa ngu mhaka ya kululama, mi katekile. Mi nga thaveni kudhukisela kwawe, kambe mi nga karatekeni.

Vafilipiya 1:28

mi si thavi kudhukiselwa ngu valala, kasi eto, kha ditshuri ti kombisa ti to vona va ya kulovani, ani anu mi ya kuhanyiswani. Atiya ti ta ngu ka Txizimu,

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Jobe 4:6

Ina hi nga kuthava Txizimu i kuthemba yako, ni kuverela kwako hi nga tinzila tako ta tinene kani?

Masalmo 52:6

Ngako vathu vo lulama va txi ti wona toneto, va na thava, kambe eneyo m'thu va na mseka, va txi kha vona:

2 Makronika 20:15

Se Jahaziyeli a to khene: Engisani anu motshenu va ka Judha, ni nanu vahanyi va Jerusalema, ni nawe mfumeli Josafati. Mkoma a khene kwanu: Mi nga thaveni, mi nga dhudhumeleni ngu mhaka yaku wona vathu vava vavangi, ngu ku hi nga anu mi ñolwa yimbi yiya, yi na lwiwa ngu Txizimu.

1 Samuwele 19:8

Se ku to tshumela kumaneka yimbi; Dhavhidha a to huma e yalwa ni Vafilista, se e va dayela ngutu; kala kuza ve tutuma masoni kwakwe.

Masalmo 3:7

Ngono, Mkoma, Txizimu txangu, u ta ni hulukisa, awe u pekako valala vangu mathamani awe u khunulako makwasa a va vakubiha.

Masalmo 112:7

Kha kanakani ngako a txi engisa timhaka to biha, nguko mbilu yakwe yi tsani ni kuthemba Mkoma.