Masalmo 27:11 - Bhiblia Yo Sawuleka

¹¹ Ni gondise, Mkoma, ati u ti lavako ni ti maha, u ni tsimbitisa ngu nzila yo lulama, nguko valala vangu mbavangi.

Masalmo 27:11 Referans Kwoze

Masalmo 5:8

Ni tsimbitise, Mkoma, ngu nzila yako yo lulama u txi ni vhikela ka valala vangu. Lulamisa masoni kwangu nzila yako.

Masalmo 86:11

Ni gondise, Mkoma, nzila yako, kasiku ni yi londisa ngu yotshe mbilu. Maha ti to mbilu yangu yi dhumisa ditina dako.

Masalmo 26:12

Mikondo yangu yi tsani amu ka nzila yo lulama, ni na dhumisa Mkoma, misengeletanoni.

Masalmo 119:10

Ani na ti lava ku kuthumela ngu yotshe mbilu; u nga ni leke ni txi hambana ni sirumo sako.

Masalmo 64:6

ti to ni wammweyo kha na mbi tumbula wubihi wawe. Aniko awule a zivako hambi ni mipimiso ya hakhana ni minavelo yo sisala, a na tumbula totshe.

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Masalmo 25:9

e tsimbitisa va kutiveka hahatshi ngu nzila ya yinene, ni ku va gondisa kumaha kuranda kwakwe.

Luka 20:20

Se va to baramela Jesu, ve rumela sinyengwani, si nga txi ti maha vathu vo lulama, kasiku mkhakheta ka dipswi dokari, ti to va na mningela ka wulamuli, ni ka mtamo wa mfumeli.

Mavingu 8:9

Otshe mapswi amanene ka wule a ma pfisisako; ni kululama ka vale va manako wuzivi.

Masalmo 25:12

M'thu wule a thavako Mkoma ene wa m'gondisa nzila yi a fanelako kutsimbila ngu yona;

Mavingu 15:19

Nzila ya mkara, yi fana ni lisanzu la mipa, aniko txinzilana txa vo lulama txi zumbisekile.

Masalmo 54:5

Maha ti to kubiha ku txi wa txitimwi ka vale va ni xanisako. Va fuvise awe, Mkoma, ngu mtamo wa ditshuri dako.

Masalmo 5:9

Sisofuni kwawe kha ku na ditshuri; timbilu tawe ti tate ngu wubihi. Mkolo wawe diyiva do asama, lidimi lawe li yisa kufani.

Masalmo 139:24

Wona ti to mwendo ni tsimbila ngu nzila yo biha u txi ni tsimbitisa ngu nzila yi ni yisako ka wutomi wo mbi guma.