Masalmo 27:1 - Bhiblia Yo Sawuleka

¹ Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Masalmo 27:1 Referans Kwoze

Vahebheru 13:6

Ngu toneto, ha sikota kuwomba ngu kutsana hi txi khathu: “Mkoma ngene txivhuno txangu, kha ni na mbi thava txilo; m'thu a nga ni maha txani kani?”

Masalmo 118:6

Mkoma a ni nani, kha ni thavi txilo; m'thu a nga ni maha txani kani?

Eksodha 15:2

Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

2 Vakorinto 12:9

aniko, ene a ni gete ku khene: “Kateko yangu yi ku enelete. Nguko, mtamo wangu wu tikomba ngu kuhetiseka ahawa ku ku ni kutandeka.” Ngu toneto, ani ni dhunda ku ti dhumisa ngu kutandeka kwangu, kasiku ni na mana kuvhunwa ngu mtamo wa Kristu.

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Johani 8:12

Jesu a to tshumela a txi womba-womba ni vathu, a txi va gela ku khene: “Ani ni liwoningo la ditiko. Awu a ni londisako, kha tsimbili txidemani, kambe a na va ni kuwonekela ka wutomi.”

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Masalmo 62:6

Txizimu ngu txona dwe i ku dirigwi dangu ni m'hanyisi wangu; ngu txona i ku m'vhikeli wangu; kha ni na mbi dekadekiswa.

Masalmo 18:28

Mkoma, awe u liwoningo langu, awe, Txizimu txangu ngawe u woningako mtema wangu.

Jobe 29:3

Mbimo yile txi nga ti ti phatimisa dilambu da txona ha msungo kwangu, se ani, ngu liwoningo la txona, ni ti ti tsimbila mtemani;

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Masalmo 118:21

Na ku bonga, Mkoma, nguko u ni xamute, awe u Muhanyisi wangu.

Masalmo 19:14

Mapswi a txisofu txangu, ni mipimiso ya mbilu yangu ma na amukeleke masoni kwako Mkoma, awe dirigwi dangu ni mtxhatxhisi wangu.

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Isaya 2:5

Ngonani, anu va nyumba ya ka Jokobe, he tsimbileni kuwonekelani ka Mkoma.

Masalmo 18:46

Hanya Mkoma! A na dhumiswe mlweli wangu! Txi na kuliswe Txizimu, Muhanyisi wangu!

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Johani 1:9

Dipswi i ti liwoningo la ditshuri, aliya li woningako votshe vathu, li txi ta ha mafuni.

Mtuletelo 7:10

Se va to kwangula ngu dipswi da hombe, va txi: “Kuhanyisa kulumba Txizimu txathu, txi nga khalahatsha ha txikhaloni ka wukoma ni ka Txinvutana.”

Luka 2:30

Nguko maso angu se ma wonile kuhanyisa kwako;

Masalmo 11:1

Ani ni themba ka Mkoma. “Mi wombisa kutxani koko ka mdihika dangu mi txi khanu: Thavela mmangoni kwako kufana ni txinyana, kani?”

Masalmo 3:8

Kuhanyisa kuta ngu kwako, Mkoma makatekwa ako ma nave txitimwi ka ngamu yako.

Luka 3:6

Votshe vathu va na wona kuhanyisa ka Txizimu.”

Matewu 8:26

Se Jesu a to khene kwawe: “Anu vathu va kukholwa ka kudotho, mi ni dizowa ngu txani kani?” Sekoko a to khukha a txi ema, e dhusa txihuhuri ni linene; ngu msana keto, ku to tenga ngutu.

Isaya 45:24

Va na kha vona ngu ngani: Kululama ni mtamo si ka Mkoma dwe; va nata kwakwe, aniko kha va na mbiwa tingana, votshe vale va no henya va txi mwukela.

Masalmo 43:2

Awe ngawe Txizimu, mlweli wangu! Ngu kutxani u txi ni rethela kule kani? Ngu kutxani ni zumbako kuxanisekani, ni tsotsorolwa ngu mlala kani?

Dhewuteronome 7:18

U nga ve ni dizowa ngu vona! Alakanya kwati ati Mkoma, Txizimu txako, a nga maha ka Faro ni ka dotshe ditiko da Egipta.

Dhewuteronome 7:21

U nga dhudhumele masoni kwawe, nguko Mkoma Txizimu txako, Njizimu txa hombe, kambe njo thisa.

Masalmo 18:29

Kumweko ni nawe na sikota kulwa ni valala; ngu mhaka ya mtamo wako ni na ndaka tibhiyo.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.