Masalmo 26:10 - Bhiblia Yo Sawuleka

¹⁰ i ku vathu votala ngu manyala, na va di ñote manzani simaha so xavelela ngu sona.

Masalmo 26:10 Referans Kwoze

Dhewuteronome 16:19

U nga bihise mhaka, u nga ve ni txisawulela hagari ka vathu, kambe u nga tumele kuxavelelwa, nguko kuxavelela ka vhala maso a m'thu wo ziva, kambe ka jikisa mhaka ya vale i ku vo lulama.

Masalmo 52:2

U pimisa kumaha to biha dwe ka vamwani; lidimi lako li fana ni txigatxani txo hinda, li sika makuhu.

1 Samuwele 8:3

Aniko vanana vakwe kha va tsimbila ngu tinzila takwe; kambe va to wekelela ka timale, ve tumela kuxawa, ve hambanisa wululamo.

Eksodha 23:8

Kambe u nga amukele txiningo, nguko txiningo txa vhala maso avale va wonako, kambe txa jikisa timhaka ta vale va nga lulama ha banza.

Mithumo 23:12

Ngako di di txite, Vajudha vokari va to sunga txikungo, va txi ti kurumeta ngu kuxambanya, va txi kha vona va na mbi dya ni kusela, va sinzi kudaya Paulo.

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

Amosi 5:12

Nguko na tiziva taku mbwa wungi wuhambunyeti wanu, sionho sanu nzingi ngutu. Mi xanisa wo lulama, mi tumela kuxawa, mi tshumeta vo mbi na txilo ha txikeni.

Isaya 33:15

Awu a tsimbilako ngu kululama, kambe a wombawombako ngu wunene, a tshotshako kule ni nene kuhumelela ngu wutsindaveti, a zuzako ngu manzani kwakwe sotshe siningo; a tsivako tinzeve kasi asi engisi kuwombawombwa ngu mnoha, ni kutsiva maso kasi asi woni kubiha,

Mavingu 4:16

Kha va oteli va si se maha to biha, se wukohe wa va tutuma, ngako va si se wisa m'thu.

Mavingu 1:16

Nguko minenge yawe yi tutumela to biha, kambe va kuluveta kutheketa mnoha.

Masalmo 36:4

Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.

Masalmo 11:2

Wonani vathu vo biha va ku nga malaho awe va txi kotokela tingove tawe ahawa ka lisinga, ti taku, va di sisate, ve khwinza tingove tawe, ve fula avale va ku ni mapimo o lulama.

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.