Masalmo 26:1 - Bhiblia Yo Sawuleka

¹ Ni lamulele, Mkoma, nguko ni tsimbila ngu nzila yo lulama; ani ni themba awe Mkoma; kha ni kanakani.

Masalmo 26:1 Referans Kwoze

Masalmo 28:7

Mkoma ngene m'vhikeli wangu wa mtamo; ni themba ene ekha, ene a ni vhuni, ngu toneto mbilu yangu yi tsakile, se ni na dhumisa ngu kuembelela tindando.

Masalmo 7:8

Mkoma, ngawe u lamulako vathu. Ni lamule, Mkoma, madingano ni fanelo yangu ni lamule madingano ni hawa ni ku si nga ni mnandu, awe Nyatxitimwi.

Mavingu 20:7

M'thu wo lulama a tsimbila ditshurini kwakwe; va na kateka vanana vakwe vale va mu engisako.

Masalmo 21:7

Nguko m'fumeli a themba Mkoma ngu wunene wa Nyatxitimwi kha na mbi khuvekiswa ngu txilo.

2 Vafumeli 20:3

Awe Mkoma! Alakanya taku ni tsimbite ditshurini, ngu mbilu yo thembeka, ni mahile to lulama masoni kwako, se a to dila ngutu Ezekhiya.

1 Samuwele 24:15

Kambe Mkoma a na va mlamuli, a na lamula hagari kwangu ni nawe, a na ni wona, e xolisisa mhaka yangu, se a na ni hulukisa manzani kwako.

2 Pedro 1:10

Ngu toneto, va ka kwathu, khutalani mi txi ya masoni, kasi ku mi txi sikota kutsanisa kudhanwa kwanu ni kusawulwa kwanu. Nguko, mi txi mahisa eto, kha mi na mbi thuka mi txi khuvekiswa.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Vahebheru 10:23

Na hi si rereki, ahi yeni masoni ngu kutsana hi txi kombisa txithembo txathu, nguko awule a nga hi mahela txithembiso, mbwo thembeka.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Mavingu 29:25

Dijowa da m'thu di na riya milawu, kambe awule a thembako ka Mkoma, a na vekwa ka wukhalo wo guleka.

Masalmo 121:3

Kha na mbi leka mkondo waku wu rithimuka; awule a ku xayisako, kha na mbi khudhahela.

Masalmo 94:18

Aniko ani ni ti khani: “Mikondo yangu ya rithimuka!” Konaho lirando lako, Mkoma, li tile li ta ni seteta.

Masalmo 62:6

Txizimu ngu txona dwe i ku dirigwi dangu ni m'hanyisi wangu; ngu txona i ku m'vhikeli wangu; kha ni na mbi dekadekiswa.

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

Masalmo 54:1

Ni hanyise, awe Txizimu! Kulisa ditina dako! Komba mtamo wako, u txi ni lamulela!

Masalmo 43:1

Ni lamulele, Txizimu txangu; u txi ni lwela ka vathu va vo biha, va kwa mbi na wukhongeli! Ni hulukise ka vathu va makuhu, vo kanganyisa.

Masalmo 37:31

Ene ana ni mlayo wa Txizimu mbiluni kwakwe, ngu kumaha keto, mikondo yakwe kha yi rithimuki.

Masalmo 35:24

Awe u lulamile, Mkoma, Txizimu txangu. Ni lamule. U nga va tumelele va txi ni seka!

Masalmo 31:14

Aniko themba yangu yi kwako, Mkoma; se ani ni huwelela ti to awe u Txizimu txangu!

Masalmo 26:11

I di ani, ni tsimbila ngu nzila yo lulama; ni hulukise, telwa ngu wumbilu ni nani!

Masalmo 25:21

Wunene ni kululama si na ni vhikele, nguko themba yangu ni yi vekile kwako.

Masalmo 25:2

Txizimu txangu, ni themba awe, u nga ni leke ni txi wiswa tingana. Hambi valala vangu va nga thuke va txi ni seka!

Masalmo 15:2

Hahanze ka wule a hanyako wutomi wo mbi na dikhwiti, a mahako kululama ni wu a wombako ditshuri mbiluni kwakwe;

Masalmo 4:5

Ningelani timhamba ta kululama mi txi veka kuthemba kwanu ka Txizimu.

1 Samuwele 2:9

A na xayisa mikondo ya va sawuleki vakwe, aniko vabihi va na maha siduma amu ka txidema; nguko m'thu kha na mbi humelela ngu mtamo wakwe.

Jobe 2:3

Se Mkoma a to khene ka Sathani: Ina u woni txithumi txangu Jobe kani? Nguko kuwalo mmwani ha mafuni wo fana nayo wamwamna wa ditshuri ni kululama, wo thava Txizimu, wo vayilela wubihi, kambe a ku ngadi e vekisa wunene wakwe, hambiko awe u ngadi ni kujetete kumlwisa, kuva ni txi mlovisa hahanze ka mnandu.

Jobe 4:6

Ina hi nga kuthava Txizimu i kuthemba yako, ni kuverela kwako hi nga tinzila tako ta tinene kani?