Masalmo 25:7 - Bhiblia Yo Sawuleka

⁷ U nga alakanyele sionho sa wujaha wangu, hambi ni sihambunyeto sangu; aniko ni alakanye, Mkoma, ngu konaho ka wunene wako, ni wumbilu wako.

Masalmo 25:7 Referans Kwoze

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Isaya 38:17

Wona taku kuthuthani kwangu ni ti ti ni kupandiseka ka hombe; awe koko, wa lirando ngutu, u to khutarela muhefemulo wangu, kha wawa diphalani ka kusina, nguko u tshotshile msana kwako sotshe sionho sangu.

Jobe 13:26

Se u bhalela txani timhaka to bava u ni wukela, u ni wuyisela sionho sa wuphyani kwangu kani?

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Masalmo 51:1

Telwa ngu wumbilu ngu ngani, Txizimu, ngu konaho ka lirando lako; pfhita sihambunyeto sangu, madingano ni wumbilu wo tala!

Vahebheru 8:12

Nguko, ni na va ni wumbilu ka sihoxo sawe, ni na mbiswa ni txi alakanya sionho sawe.”

Masalmo 109:26

Ni vhune, awe Mkoma, Txizimu txangu! Ni hanyise, madingano ni wumbilu wako!

Masalmo 79:8

U nga hi tsayise ngu mhaka ya sionho sa vakale vathu; hi pfele wusiwana ngu kukuluveta, nguko mtamo wathu wu gumile!

Masalmo 31:16

Wona ngu maso a wunene txithumi txiya txako; ni hulukise ngu lirando lako.

Masalmo 6:4

Wuya, Mkoma, u ta hulukisa moya wangu; ni hanyise, ngu wumbilu wako.

Jobe 20:11

Marambu akwe ma tate ngu mtamo wa wuphya wakwe, aniko ma na otela ni nene lithuluni.

Johani 5:14

Msana ka tiya, Jesu a to mu mana Dithepeleni a txi khene kwakwe: “Wa ti wona, u hanyisilwe; u nga engete u txi onha, kasiku di si ku humeleli dikhombo da hombe kupinda di do thanga.”

Johani 5:5

Se a ti ho konaho m'thu wu a nga lwala magumi mararu a malembe ni mtxhanu ni mararu.

Isaya 64:9

Awe Mkoma, u nga henye ngutu, u nga alakanye wubihi wathu kala kupinduka; wona, athu ha kukombela, athu hotshethu hi vathu vako.

Masalmo 119:124

Ni xayise ani txithumi txako, madingano ni lirando lako; ni gondise milayo yako!

Masalmo 109:16

Nguko eyo m'thu kha zivi kualakanya kutsetsa vakwawe; hahanze ka toneto, a xanisile sisiwana ni sikulungu ni sixupheki kala e si daya.

Masalmo 109:14

Txizimu txi na alakanye sionho sa vatate vawe mame wakwe a nga divalelwe sionho sakwe

Masalmo 106:3

Va katekile avale va vekisako milayo yakwe avale va mahako kululama yotshe mbimo.

Masalmo 106:4

Ni alakanye, Mkoma, ngu lirando li u ku nalo ka vathu vako. Ngono u ta ni hanyisa,

Isaya 48:11

Ngu kuranda kwangu, ngu kuranda kwangu, ni na ti maha, nguko di ndi na nyenyeziswa ngu kutxani ditina dangu kani? Ni wudhumo wangu kha ni na mbi wu ningela ka mmwani.

Jeremiya 31:34

Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.