Masalmo 25:6 - Bhiblia Yo Sawuleka

⁶ Mkoma, khumbula wunene wako, ni wumbilu wako nguko i kale u txi hi mahela toneto.

Masalmo 25:6 Referans Kwoze

Vakolosa 3:12

Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela;

Masalmo 103:17

Aniko lirando la Mkoma kha li nga ni magwito ka vale va m'thavako kululama kwakwe kha ku na magwito ka liveleko ni liveleko,

Luka 1:50

Ni wumbilu wakwe wu tshanganile ka liveleko ni liveleko la vale va mthavako.

Luka 1:78

Ngu wumbilu wa hombe wa Txizimu txathu, ha mana kuendelwa ngu wutxa wa kuta ngu txitimwi;

2 Vakorinto 1:3

Txi na dhumiswe Txizimu, Tate wa Mkoma wathu Jesu Kristu, Tate wa wumbilu, Txizimu txa kotshe kuthavelela,

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Masalmo 98:3

A alakanyile lirando lakwe ni kuthembeka kwakwe ka vathu va ka Israyeli. Hambi vathu va va ku magemeta-mitshi ka ditiko va ku woni kuhanyisa ka Txizimu.

1 Johani 3:17

Ngako m'thu a di ni tithomba ta ha mafuni hawa, a txi wona mwanawe a si nga naso, se asi mkhataleli, li nga zumbisa kutxani kwakwe lirando la Txizimu kani?

Vafilipiya 1:8

Txizimu i fakazi yangu ka ti to ani na xuva ku mi wona motshe, ngu lirando la Jesu Kristu.

Luka 1:54

A vhunetete Israyeli, i ku txithumi txakwe, na a txi alakanya wumbilu wakwe,

Jeremiya 31:20

Ina Efrayime hi nga mwanangu a randekako kani? Txirandwa ngu mbilu kani? Nguko hambi ni txi m'wukela, na khumbula ngu kupinda mpimo mbilu yangu ya bhibhikela ngu mhaka yakwe, kambe ni na m'hawukela, kuwomba Mkoma.

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Masalmo 119:77

Ni kombe wumbilu wako se ni na hanya, nguko mlayo wako, wa ni tsakisa.

Masalmo 107:1

Bongani Mkoma, nguko ene mnene, nguko wunene wakwe mbwa yotshe mbimo.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Masalmo 106:1

Dhumisani Mkoma! Bongani Mkoma, nguko ene mbwa mnene, nguko lirando lakwe kha li nga ni magwito.

Masalmo 103:4

ngene a ni hulukisako dithowoni, a txi ni xayisa ngu lirando ni litsako;

Masalmo 69:16

Ni xamule, awe Mkoma, nguko lirando lako mbunene; ni wone, ngu wumbilu wako wa hombe.

Masalmo 69:13

Aniko, ani, Mkoma, ni ta kwako ngu mkombelo; Txizimu, ni xamule, ngako u txi ti wona i di ta tinene, ni xamule, ngu lirando lako la hombe! Awe u ku m'vhuneteli wo thembeka,

Masalmo 40:11

Mkoma, u nga ni lambele lirando lako; lirando lako ni ditshuri dako, si na ni vhikele yotshe mbimo!

Nehemiya 9:19

Kambe awe ngu wunene wako wa hombe, khwa va leka txiwulani. Phande ya direfu kha yi khali kuve kule navo ni mitshikari amu kova komba nzila, hambi direfu da mndilo ni wusiku, kasi ku va wonigela ni ku va komba nzila yo tsimbila ngu yona.

2 Makronika 6:42

O Mkoma Txizimu, u nga jikise khohe ya mtotiwa wako; alakanya wumbilu wa Dhavhidha txithumi txako.

Eksodha 34:6

Mkoma a to pinda koko ngu masoni ka Mosi, se Mosi e kwangula a txi khene: “Awe Mkoma Txizimu, Txizimu txa wumbilu ni kupfela, wo swela kuhenya kambe wo tala ngu wuha ni kuthembeka!

Eksodha 15:13

Ngu wunene wako, u hulukisile ni kutsimbitisa ngamu yako ngu mtamo wako, u va tsimbitisile va txi ya ditikoni kwako ko sawuleka.

Genesisi 32:9

Jakobe a to khene kambe: Txizimu txa tate wangu Abrahamu, Txizimu txa tate wangu Isaake, awe Mkoma, u nga ni gela u txi khawe: “Tshumela u tsula ditikoni kwanu, amu u nga velekelwa kona, ni na kuxayisa ta tinene.”

Genesisi 24:27

a txi khene: “A na dhumiswe Mkoma, Txizimu txa Abrahamu, nyamne wangu, nguko ene Mkoma kha leka kukomba wunene wakwe ni kuthembeka kwakwe ka nyamne wangu, a txi ni heleketa ngu nzila yo lulama m'tini ka maxaka a nyamne wangu.”

Vafilipiya 2:1

Ngu toneto, ngako ku diho kuthavelelana ngu ka Kristu, ni kumalatelana ngu lirando, ni mpatano wa Moya, ngako ku diho wuxinji ni kuxanisekelana,

Nehemiya 13:22

Ni to gela Valevhi kuva txi ti sawulekisa, niku ve ta wonelela sike, kasi kusawulekisa ditshiku da Sabbata. (Ka tona eto kambe, awe Txizimu txangu, ni alakanye, u ni divalela ngu wunene wako wawungi.)

Dhaniyeli 9:18

Awe Txizimu txangu, namisa tinzeve tako u engisa; tula maso ako u wona marumbi athu, ni didhoropa di di dhanwako ngu ditina dako, nguko kha hi ya tisa kudila kwathu masoni kwako, ngu kululama kwathu, kambe ngu mhaka ya wumbilu wako wo tala.

Habhakuki 3:2

Ni pfite dispwi dako Mkoma ni thava; wusa awe Mkoma mthumo wako hagari ka malembe, hagari ka malembe wuzivekise; Kuhenyani kwako alakanya wumbilu.