Masalmo 25:3 - Bhiblia Yo Sawuleka

³ Ngu ditshuri, avale va themako awe, kha va na mbi wiswa tingana. Va na wiswa tingana avale va ku wukelako na ku si nga ni txigelo.

Masalmo 25:3 Referans Kwoze

Sidilo 3:25

Mkoma Txizimu ani wunene ka vale va mthembako, ka vathu vale va mlavako.

Isaya 40:31

Aniko avale va emako ka Mkoma, va na wuseta mitamo yawe, se va na kwelela ngu tibhapi kufana ni magama; va na tutuma va si karali, va na tsimbila va si rereki.

Isaya 49:23

Se vafumeli va na va vaxayise va vona, ni vasikati va kona va na va vamamisi vawe; va na namisa tikhohe hahatshi masoni kwako, ve dazela lithulu la mikondo yako, se u na tiziva ti to ani ngani Mkoma, ni ti to avale va ni thembako kha va na mbi wiswa tingana.

Mika 7:7

Ani koko, ni verela ka Mkoma; ni na verela ka Txizimu txa kuhanyiswa kwangu; Txizimu txangu txi na ni engisa.

Masalmo 62:5

Moya wangu wu themba Txizimu dwe; kuthemba kwangu kuta ngu ka txona

Masalmo 27:14

Themba Mkoma! Tsanisa, u nga thave txilo, themba Mkoma!

Varoma 8:25

Ngako hi txi verela atxi hi si txi woniko, hi txi verela ngu kutimisela.

Masalmo 37:34

Themba Mkoma, u londeta tinzila takwe ene a na kuguleta, e kuninga mafu awa me maha thomba yako; awe u na ti wona ngu maso ako mbimo yi va no fuviswa vabihi.

Masalmo 33:20

Themba yathu hi yi veka ka Mkoma; ngene i ku m'vhuni wathu kambe m'vhikeli wathu.

Masalmo 123:2

Kufana ni maso a sithumi sa vavamna ma wonetelako manza a vanyamne va sona kufana ni maso a sithumi sa vavasikati ma wonetelako manza a vahombe va sona, kufana ni toneto nanathu, maso athu ma wonetela Mkoma, Txizimu txathu, kala kuza txona txi txi hi pfela wusiwana.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Masalmo 69:6

Va nga ve ni tingana ngu mhaka yangu avale va kuthembako, awe Mkoma, Mkoma wa Mabutho a Tiyimbi; avale va ku lavako va nga thuke ve kanganyiswa ngu mhaka yangu, awe Txizimu txa ka Israyeli.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.

Masalmo 35:26

Va na vhilinganyiswe ve thelwa tingana votshe vale va tsakako ngu kuxupheka kwangu; va na tale ngu kuxowoka ni tingana votshe vale va ti guletako va txi ni wukela.

Masalmo 132:18

Ni na thela pfilu-pfilu ka valala vakwe; aniko kwakwe m'bhoti wakwe wu na kuphatima.”

Masalmo 71:13

Va na kanganyiseke va txi haxulelwa avale va zamako ku ni daya! Va na xowokiswe ve wiswa tingana avale va ni navelelako dikhombo!

Masalmo 31:17

Mkoma, u nga ni leke ni txi wiswa tingana, nguko ani ni dilela kwako. Vona vabihi va na wiswe tingana ve tshotshwa diphalani.

Masalmo 62:1

Moya wangu wu themba Txizimu dwe; kuhanyiswa kwangu kuta ngu ka txona.

Masalmo 6:10

Votshe valala vangu va na wiswe tingana ni kudhukiswa, va na tshumelele msana, ve khawuliswa, ngu kukuluveta.

Johani 15:25

kasi ku dipswi di, di nga bhalwa Mlayoni kwawe, di txi tatiseka, adi di ku: ‘Va ni vengete walo.’ ”

Masalmo 119:78

Vatseketseli va na xowokiswa ngu tingana, nguko va ni xupha ni si nga ni txionho; ani ni na pimisela sileleto sako.

Masalmo 109:3

Va ni randela ngu mapswi a livengo; va ni ruketela na ni si nga ni mnandu!

Masalmo 69:4

Mbavangi vale va ni bavelako na va si nga ni ditshuri kupinda misisi ya ha msungo kwangu; mbavangi ngutu valala vangu avale va hembako ngutu ngu ngani. Se ni na tshumeta asile ni nga mbi pa kani?

Genesisi 49:13

Zebhuloni a na aka ha likasani ka linene, i ku txithoni ka sitimela sa mati, se muhingano wakwe wu na gwitela Sidhoni.

1 Makronika 10:13

Se Sawule a to fa ngu mhaka ya kutshuralela ku a nga tshuralela ngu kona Mkoma, ngu mhaka ya dipswi da Mkoma, adile a nga mbi di vekisa; ni ku kambe a lavile m'huti, e ta mu wotisa,

Masalmo 22:6

Aniko ani ni mbungu, kha ni nga m'thu, ni txisekiso masoni ka vathu, na eyiswa ngu ditiko.

Masalmo 31:18

Malata vathu va makuhu, nguko va womba kubiha ngu Txizimu txo sawuleka, txa kwa mbi na magwito, ngu kutiguleta ni kukanyisa.