Masalmo 25:16 - Bhiblia Yo Sawuleka

¹⁶ Ni rendekele u txi ni wona, Mkoma! Telwa ngu wumbilu ngu ngani, nguko ni nokha kambe ni kuxanisekani.

Masalmo 25:16 Referans Kwoze

Masalmo 86:16

Ni wone, u txi ni pfela wusiwana; ni he mtamo wako, u txi ta u ta ni lamulela; ani ni txithumi txako kufana ni mame i nga ti txithumi txako.

Mika 7:19

A na tshumela u hi pfela wusiwana, a na lovisa sihambunyeto sathu, kambe a na rinza sotshe sionho sathu txizivani ka linene.

Dhaniyeli 9:17

Se konkuwa koko, awe Txizimu txathu, engisa mkombelo wa txithumi txako, ni kudila ka txona; khohe yako yi na woninge txitimwi ka wukhalo wako wo sawuleka wule wu nga hoxotwa, ngu kuranda ka Mkoma.

Masalmo 143:4

Se moya wangu wa xomuleka mndani kwangu; ni mbilu yangu ya xaniseka khanani kwangu.

Masalmo 60:1

Txizimu, u hi tshuralete, u hi lekile hi hangalaka; hambiko u nga henya, tshumela u hi wusa.

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

Masalmo 86:1

Ni engise, Mkoma, u txi ni xamula, nguko na xaniseka, ni txisiwana.

Masalmo 109:22

Ni txisiwana ni mxaniseki; mbilu yangu yi ni txilonda mndani kwangu.

Masalmo 119:132

Ni wone, u txi telwa ngu wumbilu ngu ngani, nga tile u ti mahako ka vale va kurandako.