Masalmo 25:12 - Bhiblia Yo Sawuleka

¹² M'thu wule a thavako Mkoma ene wa m'gondisa nzila yi a fanelako kutsimbila ngu yona;

Masalmo 25:12 Referans Kwoze

Masalmo 37:23

Mkoma wa komba vathu nzila yakwe wa vhikela avale va mtsakisako.

Masalmo 32:8

“Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Masalmo 111:10

Wuzivi wa ditshuri ngu kuthava Txizimu; avale va txi khozelako va na ni mapimo. Txi na dhumiswe Txizimu kala kupinduka!

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Mavingu 1:7

Kuthava Mkoma, ngona makhato a wuzivi; siphukuphuku sa txhipisa wutxhari ni gondo.

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.

Mavingu 15:33

Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.

Mithumo 10:22

Vona va to xamula, va txi kha vona: “Korneliyo, mthangeli wa dizana, awu i ku wamwamna wo lulama, a di ni txithavo ka Txizimu, awu a dhumiswako ngu dotshe ditiko da Judha, a leletilwe ngu ngelozi ya kusawuleka ya Txizimu, ku ta kudhana u ya m'tini kwakwe, kasi kuya engisa ti u no ya mu gela tona.”

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Mavingu 2:5

ngu kona u no pfisisa mhaka ya kuthava Mkoma, kambe u na mana kuziva Txizimu.

Mithumo 13:26

“Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.

Mithumo 11:14

Ene a na kugela timhaka ti u no hanyiswa ngu tona, awe ni wotshe mwaya wako.’

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

Genesisi 26:2

Mkoma Txizimu a ti wonekisile ka Isaake, a txi m'gela tiya: “U nga relele u txi ya Egipta; zumba ka ditiko di ni no kukomba dona.

Eksodha 4:15

Awe u na womba-womba nayo, u txi m'vekela txisofuni kwakwe mapswi awa. Ani ni na va txisofuni kwako ni txisofuni kwakwe, ni txi mi kombisa ati mi fanelako ku ti maha.

Joxuwa 3:4

Ku nave ni kudhawukana hagari kwanu ni dibhokiso, ko dingana 2.000 wa mikono; kambe mi nga tshuketeni hafuhi ka dona, kasi ku mi ziva nzila yi mi no tsula ngu yona; nzila yaku kha mi nzivi ka nga tsimbila ngu yona.”

1 Samuwele 9:6

Aniko ene a to m'gela tiya: Wona taku, ku ni m'thu wa Txizimu ka didhoropa diya, kambe mbwa mwamna wa wudhumo; totshe ti a wombako ta maheka, kha ti tandeki. Hi tsimbile konkuwa kwakwe, kutilava a na ya hi komba nzila yi hi felako kutsimbila ngu yona.

Mavingu 2:9

Sekoko u na ziva wululamo, ni wulamuli, ni kudinganisa, ni dotshe ditshuri da dinene.