Masalmo 24:3 - Bhiblia Yo Sawuleka

³ I mani a no kwela mmangoni ka Mkoma kani? I mani a nota ema nyumbani kwakwe ko sawuleka kani?

Masalmo 24:3 Referans Kwoze

Masalmo 15:1

Mkoma, i mani a no zumba Dithepeleni kwako ko sawuleka kani? I mani a no zumba ka mmango wako wo sawuleka kani?

Vahebheru 12:28

Ngako hi nga amukela mfumo wo mbi dekadeka, he ñolisiseni ta tinene kateko yiya. Ngu yona, a hi khozeleni Txizimu ngu nzila yi yi amukelekako, ngu kutiveka hahatshi, ni txithavo.

Masalmo 65:4

A katekile wule awe u msawulako u txi m'dhana kasiku e hanyela Dithepeleni kwako, hafuhi ni nawe. Hi na khura ngu silo sa nyumbani kwako, amu Dithepeleni kwako ko sawuleka!

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

Masalmo 68:18

Awe u kwete txitimwi u tsulisile khumbi wukhumbini, u amukete nduwo ka vathu; hambi ni vaeyisi va khozile kwako, Mkoma!

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

1 Makronika 15:1

Dhavhidha a to ti akela kambe nyumba Didhoropani ka Dhavhidha; a to lulamisa wukhalo wo veka ka wona dibhokiso da Txizimu, ni ku di gwimbela ditenda.

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Johani 13:36

Simoni Pedro a txi khene kwakwe: “Mkoma, u ya hani kani?” Jesu a to mu xamula, a txi khene: “Ahawa ani ni yako kona, awe khu na ku ni londisa konkuwa. Aniko ngu msana, u na ni londisa.”

Ezekhiyele 44:5

Se Mkoma a to khene kwangu: Awe mwanana wa m'thu, ti veke mbiluni kwako, u txi ti wona ngu maso ako, u engisa ngu tinzeve tako, totshe tile ni no ku gela ta Nyumba ya Mkoma ni ta milayo ya kona yotshe; se ninga lisima txike txako txo wulela ngu txona nyumbani, ni sotshe sike so huma ngu ka nyumba yo sawuleka.

Ezekhiyele 44:9

Mkoma Txizimu a khene: Ni wammweyo wu i ku dikhutu mbiluni mwendo nyamani, kha na mbi wulela nyumbani kwangu ko sawuleka, ka ni wihi wa vamatiko vale va no maneka hagari ka vanana va ka Israyeli.