Masalmo 24:2 - Bhiblia Yo Sawuleka

² Ngene a nga va nga mafu txitimwi ka linene, ngene a nga ma maha txitimwi ka minambo.

Masalmo 24:2 Referans Kwoze

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Masalmo 136:6

Awule a nga ateta mafu txitimwi ka mati; nguko lirando lakwe nda kala kupinduka!

Masalmo 96:10

Gelani vathu va dotshe ditiko mi txi khanu: “Mkoma wa mfumeli!” Ngu toneto, mafu ma tsani, kha ma na kudekadekiswa; ene a fuma vathu ngu nzila yo lulama.

Jobe 38:4

U ti ti hayi awe mbimo yi ni nga va nga ditiko kani? Ni mahe ni tiziva, ngako u di ni wuzivi.

Masalmo 33:6

Ngu dipswi da Mkoma; ku vangilwe nzuma ni sotshe sasingi sikuho ngu moya wa txisofu txakwe.

Genesisi 8:22

Mafu ma di nga diho, kuphaya ni kuelula, malanga ni wuxika, wusiku ni mitshikari, kha si na mbi gwita.”

Masalmo 95:4

Mafu otshe ma manzani kwakwe; mikova ya kutshima ni mimango yo lapha nzakwe.

Masalmo 93:1

Mkoma wa fuma; a ambate wuhombe; e kombisa wotshe mtamo wakwe. Ngu toneto, mafu ma tsani, kha ma na kudekadekiswa.

Masalmo 89:12

U vangile Wuphemba ni Wulambwe; mimango ya Tabhori ni Hermoni ya embelela ditina dako.