Masalmo 24:1 - Bhiblia Yo Sawuleka

¹ Mafu ma lumba Mkoma, ni sotshe si si ku ka ona; ditiko ni votshe va va hanyako ka dona.

Masalmo 24:1 Referans Kwoze

Masalmo 89:11

Awe u Mkoma wa nzuma ni mafu, u vangile ditiko ni sotshe si si manekako ka dona.

1 Vakorinto 10:26

Mafu nga Mkoma ni sotshe si si ku txitimwi ka ona.

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Jobe 41:11

I mani a nga khata e ni ninga, kasi ku ni na mtshumetela kani? Nguko asi si ku hahatshi ka nzuma, nzangu.

Dhewuteronome 10:14

Wona nzuma ni nzuma ya tinzuma, si lumba Mkoma, Txizimu txako, kumweko ni mafu ni sotshe si si kuho ka ona.

Eksodha 9:29

Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Nahume 1:5

Mimango ya zinginika masoni kwakwe, ni simangwana sa nyeka; se mafu ma guleka masoni kwakwe, ina, ditiko ni votshe va va hanyako ka dona.

Masalmo 50:12

Idiku ani ni ni nzala, nga ti si laveki ku kugela, nguko ditiko ni sotshe si si manekako ka dona sa ni lumba.

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Masalmo 98:7

Li na dhume linene ni sotshe si si ku ka lona, di na embelele ditiko ni votshe vathu va dona.

1 Makronika 29:16

Mkoma, Txizimu txathu, kutala ka sotshe si hi nga lulamisela kasi ku akela nyumba ditina dako do sawuleka, sita ngu manzani kwako, sotshe nzako.

2 Makronika 25:9

Se Amaziya a to khene ka m'thu wa Txizmu: Hi na maha txani ngu dizana wa titalenta ta nzalama tile ni nga ninga dibutho da va ka Israyeli kani? Se m'thu wa Txizimu a to xamula, a txi khene: Mkoma a na kuninga so tala ngutu kupinda siya.

Jobe 34:13

I mani a nga ninga Txizimu kufuma mafu kani? Niku i mani a nga txi ninga dotshe ditiko kani?

Jobe 41:3

Ina mwendo yi nga dilela kwako kani? Mwendo yi nga kukombela ku yi tsetsa kani?

Masalmo 50:10

nguko sotshe sihari sa txitinga sa ni lumba, kufana ni sile si manekako txitimwi ka magumi a mazana a mimango.

Masalmo 89:12

U vangile Wuphemba ni Wulambwe; mimango ya Tabhori ni Hermoni ya embelela ditina dako.

Mika 4:13

Khukha u hula, awe dihorana da Siyoni, nguko ani ni na ku mahela tshoka yako ngu simbi, ni syala sako ngu kopora, u na balisela matiko amangi, se kuxula kwako ku na pfaliswa ka Mkoma, ni thomba yako, ka Nyamne wa mafu otshe.