Masalmo 23:3 - Bhiblia Yo Sawuleka

³ Wa xayisa moya wangu kambe wa ni tsimbitisa ngu tinzila to lulama, ngu mhaka ya ditina dakwe.

Masalmo 23:3 Referans Kwoze

Isaya 42:16

Ni na tsimbitisa mabhofu ngu nzila yi ma si yi ziviko, ni na ma maha me tsimbila ngu magondo ale ma nga mbi ma ziva; ni na hundula txidema txi maha kuwonekela masoni kwawe; ni so maha so gombonyeka ni na si lulamisa. Simaheso ni na si maha, kambe kha ni na mbiswa ni va leka.

Masalmo 31:3

Awe u dirigwi dangu ni mkhokhola wangu! Ni tsimbitise u txi ni vhikela, ngu lirando la ditina dako da dinene.

Masalmo 19:7

Mlayo wa Mkoma mbwo hetiseka, wa ninga kuhanya kakuphya. Sirumo sa Mkoma nzo thembeka; sa ninga wuzivi ka m'thu wo divala.

Masalmo 51:10

Awe Txizimu, ni he mbilu ya yinene; wuseta m'hefemulo wangu, u txi wu tsanisa.

Masalmo 5:8

Ni tsimbitise, Mkoma, ngu nzila yako yo lulama u txi ni vhikela ka valala vangu. Lulamisa masoni kwangu nzila yako.

Masalmo 51:12

Ni wuyisele litsako la kuhanyisa kwako; u txi ni tsanisa ngu moya wako wa mtamo.

Jobe 33:30

kasi kuvayilelisa moya wakwe kutimelani, txi mu woninga ngu liwoningo la vo hanya.

Mavingu 8:20

Na tsimbitisa ngu nzila ya kululama, hagari ka tinzila ta wulamuli.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Masalmo 79:9

Hi lwele, Txizimu, Muhanyisi wathu; hi ponise u txi hi divalela, ngu mhaka ya wudhumo wa ditina dako do Sawuleka!

Masalmo 85:13

Kululama ku na thangela masoni ka Mkoma, kasi ku mlulamisela tinzila takwe.

Mavingu 4:11

Ni ku gondisile nzila ya wutxhari, kambe ni ku tsimbitisile ngu tinzila to lulama.

Masalmo 119:176

Ni pepesekile kufana ni nvuta yo mwalala; tsimbita txithumi txiya txako, nguko ani kha na divala sirumo sako.

Ezekhiyele 20:14

Ati ni nga maha i mhaka ya ditina dangu ti taku di si nyetiselwi masoni ka matiko ale ni nga va humisa ka ona.

Jeremiya 31:8

Ni na va wuyisa ngu ditikoni ka Wuphemba, ni txi va sengeleta ngu magemeta-mitshi ka mafu; kumweko navo, ku ni mabhofu ni silima, vo khosa, va na wuya i ti didhendele da hombe.

Vaefesu 1:6

kasi ku hi txi pfalisa Txizimu ngu wudhumo wa tikateko ta txona, hi nga ningwa ngu Mwanana wa txona wo randeka.

Masalmo 34:3

Huwelelani ni nani wuhombe wa Mkoma; a hi embeleleni hotshethu, hi txi m'dhumisa.

Masalmo 31:4

Ni thavise ka mlawu wu va nga ni riyela ngu wona, nguko awe u wuthavelo wangu!

Masalmo 106:8

Aniko Txizimu txi va hanyisile, kasi kudhumisa ditina da txona ni kumaha ti to wu txi ziwa mtamo wa txona.

Masalmo 109:21

Aniko awe, Mkoma, Txizimu txangu, ni vhune ngu mhaka ya ditina dako. Ni hanyise ngu wunene ni lirando lako!

Jeremiya 31:25

Nguko ni tsakisile muhefemulo wo karala, ni wotshe muhefemulo wo xaniseka ni wu khurisile.