Masalmo 22:7 - Bhiblia Yo Sawuleka

⁷ Votshe vale va ni wonako va ni tseketsela; va minula ngu txisofu, ve zinginika misungo va txi kha vona:

Masalmo 22:7 Referans Kwoze

Marku 15:29

Ava va nga txi pinda va ti ti mu ruketela, va txi zinginika misungo yawe, va txi kha vona: “Ha! Awe u khundumusako Dithepele, u txi di aketa ngu masiku mararu.

Masalmo 109:25

Votshe va ni ruketela ngako va txi ni wona, va zinginika msungo ngu ku ni nyenya.

Luka 23:11

Herodha ni masotxhwa akwe va to womba-womba nayo ngu ku mu eyisa ni ku mu poyilela. Se ve mu ambeka nguwo yo khetima, va txi tshumela ve m'rumela ka Pilato.

Marku 15:20

Msana ka kuva va di mu tseketsete, va to mu thavisa nguwo yile yo bhilivila, ve mu ambeka syambalo sakwe. Sekoko va to mteka kasi kuya mu bethela ha txihambanoni.

Matewu 27:29

Se va di lukile tshimbo ya mipa, va to msanzeka ha msungo kwakwe, ngu msana ve mñolisa litshava ngu dianza da txinene. Se va txi khizama masoni kwakwe na va txi mtseketsela va txi kha vona: “Xeweni, mfumeli wa Vajudha!”

Masalmo 44:14

U hi mahile divingu hagari ka matiko, vathu ve zinginisa misungo ve hi txhipisa.

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Matewu 9:24

“Khukhani mi tsula, nguko awu wa txihoranana kha fa, a to otela.” Se vona va nje ku mu seka.

Isaya 57:4

I mani wu mi msekako kani? I mani wu mi asamako sisofu kwakwe, ni ku mi humisela mani lidimi kani? Ina kha mi nga vanana va wuhambunyeti, liveleko la makuhu,

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Masalmo 31:18

Malata vathu va makuhu, nguko va womba kubiha ngu Txizimu txo sawuleka, txa kwa mbi na magwito, ngu kutiguleta ni kukanyisa.

Jobe 16:10

Va tula sisofu ve ni wukela; va ni kwiritile ve ni dayisa txiletu, se votshe vata ve ta ni randela.

Jobe 16:4

Ina nani ni ndi na wombawombisa tona ti mi wombawombisako tona, i ti kova ku moya wanu wu ka wukhalo wa moya wangu kani? Niku mwendo ni ndi na mi wukela ngu mapswi o tala, ni mi weketela msungo wangu kani?

Jobe 12:4

Ani ni txisekiso ka vangana vangu; ani na dhana Txizimu, se txona txa ni xamula; wamnene ni wo lulama vo maha sisekiso.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.