Masalmo 22:6 - Bhiblia Yo Sawuleka

⁶ Aniko ani ni mbungu, kha ni nga m'thu, ni txisekiso masoni ka vathu, na eyiswa ngu ditiko.

Masalmo 22:6 Referans Kwoze

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Jobe 25:6

Hambi m'thu i ka so va mpungu, ni mwanana wa m'thu i ku mbungu!

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Vahebheru 13:12

Ngu toneto, Jesu, kufela kubasiswa vathu ngu mnoha wakwe wupune, a dawetwe hahanze ka txike txa didhoropa.

Matewu 11:19

A tile Mwanana wa M'thu, wa dya, wa sela, se va kha vona: ‘Wonani nyalimitoyo ni didevi, mngana wa vakhupisi ni vaonhi.’ Aniko wuzivi wa Txizimu wu kombisile kululama ka wona ngu mithumo ya wona.”

Masalmo 31:11

Ni m'thu wa kurukwa ngu valala vangu ni va akelani, na nyenywa ngu vale ni zivanako navo. Avale va ni wonako hanzila va ni thava.

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Johani 7:15

Se Vajudha ve xamala, va txi kha vona: “Awuwa a yi zivisa kutxani Mibhalo, kuve kha gonda kani?”

Sidilo 3:30

A na dingetele dithama, ka wule a m'yamasako, a txi amukela ni kuruketelwa.

Johani 8:48

Vajudha va to xamula, va txi kha vona kwakwe: “Ina kha hi wombi tona ti to khathu, awe u Msamariya, ni ti to khathu u na ni didhimoni kani?”

Johani 7:20

Dibutho di to xamula di txi kha dona: “Awe u na ni didhimoni. I mani a lavako ku kudaya, kani?”

Matewu 12:24

Aniko Vafarisi, ngako va txi pfa eto, va to kha vona: “Awuwa kha toveli madhimoni i si nga ngu mtamo wa Bhelzebhule, i ku mkoma wa mimoya yo biha.”

Masalmo 88:8

U ni hambanisile ni vangana vangu; u ni mahile wo nyenyeza masoni kwawe. Ni fana ni wo khotelwa asi sikotiko kuhuma.

Masalmo 31:1

Mkoma, ani ni themba awe; u nga ni leke ni txi wiswa tingana. Ni hulukise, nguko awe u lulamile.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

Masalmo 25:3

Ngu ditshuri, avale va themako awe, kha va na mbi wiswa tingana. Va na wiswa tingana avale va ku wukelako na ku si nga ni txigelo.

Masalmo 41:5

Valala vangu va womba-womba kubiha ngu ngani va txi kha vona: “A na fa ditshiku muni m'thu wuwa, kasiku ditina dakwe di txi divalwa kani?”