Masalmo 22:3 - Bhiblia Yo Sawuleka

³ Kambe awe u Msawuleki, awe u zumba ha txiluveloni, na u txi dhumiswa ngu Israyeli.

Masalmo 22:3 Referans Kwoze

Masalmo 50:23

Awule a ni mahelako mphaxo wa kubonga, ni na m'guleta; ni wule a tsimbilako ngu nzila yangu, ni na mkomba kuhanyisa ka Txizimu.”

Dhewuteronome 10:21

Mkoma ngene i ku wudhumo wako ni Txizimu txako, awule a nga ku mahela simaha sa hombe, so xamalisa, asi u nga si wona ngu maso ako.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Masalmo 65:1

Awe Txizimu, u ni fanelo ya kudhumiswa kona Siyoni ni ti to vathu ve tatisa sixambanyo si va nga ku mahela.

Masalmo 145:17

Mkoma a lulamile ka totshe tinzila takwe, ni kusawuleka ka yotshe mithumo yakwe.

Jobe 19:7

Wona taku na banguluka: Na lwiswa! Aniko kha ni pfiwi; na keta: Nyandayeyo! Aniko kha ku nga ni wululamo.

Jobe 30:20

Na dila kwako Txizimu, aniko awe khu ni xamuli; ni emile, aniko khu ni engiseli.

Masalmo 88:2

Amukela mkombelo wangu, engisa kudila kwangu!

Habhakuki 1:2

Ni na dila kala yihi mbimo Mkoma, na awe u si ni engisi kani? Ni na peka huwa: Nadawoo! Kasi khu ni hulukisi kani?