Masalmo 22:24 - Bhiblia Yo Sawuleka

²⁴ Nguko ene kha soli, kambe kha nyenyi kuxaniseka ka sisiwana kambe kha si tshuraleli. Aniko wa si engisa mbimo yi si kombelako txivhuno.”

Masalmo 22:24 Referans Kwoze

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Masalmo 118:5

Kupandisekani kwangu ni khongete ka Mkoma; se Mkoma a ni engisile a txi ni hanyisa.

Masalmo 34:6

Ngako txisiwana txi txi dhana Mkoma, ene wa txi xamula, kambe wa txi hulukisa ka sotshe sixaniso.

Masalmo 22:2

Txizimu txangu, na dila ni mitshikari, kambe khu ni xamuli; na dila ni wusiku, kambe kha ni mani kuzumbiseka.

Masalmo 22:6

Aniko ani ni mbungu, kha ni nga m'thu, ni txisekiso masoni ka vathu, na eyiswa ngu ditiko.

Luka 23:46

Se Jesu a to huwelela ngu dipswi da hombe, a txi khene: “Tata, na ningela moya wangu manzani kwako.” A di gwitile kuwomba tiya, a to fa.

Masalmo 69:17

U nga ni sisele khohe yako ani txithumi txako; ni xamule ngu kukuluveta, nguko ni ha phangoni!

Masalmo 35:10

Ngu yotshe mbilu yangu ni na womba ni txi khani: “Kha txi nga ho tximwani Txizimu hahanze kwako Mkoma! Awe wa hulukisa sisiwana ni sikulungu ka vale i ku va mtamo ngutu kupinda sona, avale va si dyelelako!”