Masalmo 22:16 - Bhiblia Yo Sawuleka

¹⁶ Timbwa koko ti ni randete; mtxawa a sigevenga wu ni randete; va ni vharulete manza ni mikondo yangu.

Masalmo 22:16 Referans Kwoze

Johani 19:37

Ka wumwani wukhalo ti bhatwe kambe, va txi kha vona: “Va na wonetela awule va nga mu bhaya.”

Matewu 27:35

Msana ka ku mu bethela va to teka tinguwo takwe va txi abanela, va di thangile ngu kuxaxuva tixolo.

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

Johani 20:25

Vamwani vagondiswa va mgete, va txi kha vona: “Hi woni Mkoma!” Aniko ene a to khene kwawe: “Ani ngako ni si woni mu ka manza akwe timbowo ta sipikiri, ngako kambe ni si wuleti litiho langu mu ka timbowo ta sipikiri, ni kuveka dianza dangu ha didhawani kwakwe, kha ni na mbi kholwa.”

Johani 19:23

Masotxhwa ma di gwitile kubethela Jesu ha txihambanoni ma to teka syambalo sakwe, me si bhanda ngu mune wa madhawa; disotxhwa ni disotxhwa di txi mana txyavelo txa dona. Ma thavisile kumweko ni dibhaji. Se dibhaji diya i ti si nga do rungwa, i ti do lukelwa kukhukhela txitimwi kala hahatshi.

Marku 15:24

Ngu msana va to mu bethela ha txihambanoni, ve abanela syambalo sakwe vona ngu txawe, va di thangile ngu kuxaxuva tixolo kasi kuwona atxi txi no lumba mmwani ni mmwani.

Johani 19:34

Aniko mmweyo wa masotxhwa a to mthola ha ka didhawa ngu ditxhari, se konaho ku to humela mnoha ni mati.

Luka 23:33

Ngako va di hokile ka wukhalo wu wu dhanwako ku i “Txikwakwa,” va to mu bethela ha txihambanoni Ene ni sigevenga sile sa simbidi, tximwetxo ngu didhawa da txineneni kwakwe, tximwani ngu didhawa da txibhabha kwakwe.

Vafilipiya 3:2

Ti woneleni ka timbwa, ti woneleni ka vamahi va to biha, ti woneleni ka va wukwera wa makuhu.

Luka 23:23

Aniko vona va txi tamarisa ngu mapswi a kumaha diguwa, va txi kombela ti to a na bethelwe ha txihambanoni, kambe diguwa dawe di to xula.

Isaya 53:5

Aniko ene a pekilwe ngu sihambunyeto sathu, e xaniswa ngu mhaka ya wubihi wathu; txitsayiso txi txi hi tiselako kudikha, txi ti ti txitimwi kwakwe, se hi hanyisilwe ngu mikhwimbiriti yakwe.

Masalmo 22:20

Hulukisa wutomi wangu ka ditxhari; u nga leke timbwa ti txi ni daya.

Masalmo 22:1

“Txizimu txangu, Txizimu txangu, u ni lekete txani kani?” Ngu kutxani u swelako kuxamula mapswi a kudila kwangu kani?

Johani 20:27

Ngu msana a to gela Tomasi, a txi khene: “Tisa litiho lako ahawa, u txi wona manza angu; tshuketisa dianza dako, u txi di beta ha didhawani kwangu, u nga swe kambe u txi ti maha mkaneti, aniko kholwa.”

Masalmo 59:6

Va wuya ni minova; va txi dilisa ku nga timbwa, na va txi horolokela didhoropani.

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Masalmo 86:14

Txizimu, vathu va kutiguleta va ni wukela; mtxawa wa vanyamitamo wu lava ku ni daya, kha va khatali ngu ngawe.

Matewu 26:57

Ava va nga ta ñola Jesu, va to mu yisa m'tini ka Kayifasi, i nga ti mphaxeli wa hombe, ahawa vabhali ni madhota a ditiko va nga ti sengelatanile kona.

Matewu 7:6

“Mi nga thukeni mi ninga timbwa silo si si nga sawulwa, hambi kutshotsha tidhayimana tanu ka tikhumba, kasiku ti si ti kandeteli ngu mikondo, ti mi wukela, ti txi mi vhandamulela ngu makwasa.”

Jeremiya 12:6

Nguko ni vona vananu ni nyumba ya tate wako va ku lundumisile; ve ku kulumela. U nga va tumele hambi va txo kugela mapswi o tshura.

Masalmo 59:14

Va tshumela ve wuya ni minova na va txi dilisa ku nga timbwa, ni kuhorolokela didhoropani.

Masalmo 38:11

Vandoni vangu ni vanakulothi va hambukile ngu mhaka ya dikhombo dangu; maxaka angu ma ema ngu kule.