Masalmo 22:15 - Bhiblia Yo Sawuleka

¹⁵ Mkolo wangu wu omile kufana ni mraka wo hiswa ni lidimi langu li namarete mkanani kwangu. Awe u ni lekile hafuhi ka diphala.

Masalmo 22:15 Referans Kwoze

Johani 19:28

Msana ka tiya, ngako Jesu a di woni ti to totshelele ti gumile, ni kufela kambe ku na tatiseka dipswi da Mibhalo, a to khene: “Nina ni ditora.”

Masalmo 69:3

Na foma dipswi ngu kupeka huwa, mkolo wangu omile, wa panda; maso angu ma karala ngu kurinzela, Txizimu txangu!

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Masalmo 69:21

Va ni ningile nyongwa, yi maha sakudya sangu mbimo yi ni nga pfa ditora, va ni ningile vhinagre.

Masalmo 38:10

Mbilu yangu ya bhibhikela ngutu, mtamo wu gumile. Maso angu ni ona kha ma woni txilo.

1 Vakorinto 15:3

Nguko kukhata, ni mi gondisile tiya nani ni nga gondiswa: Ti ta ku Kristu a fite ngu mhaka ya sionho sathu, nga tiya yi wombisako tona Mibhalo.

Masalmo 104:29

Ngako u txi si sisela khohe yako, sa rereka, ngako u txi si thavisa moya, sa fa, si txi tshumela si maha luthule.

Matewu 27:50

Kambe Jesu a to engeta e kwangula ngu dipswi da hombe, se e ningela moya.

Mavingu 17:22

Mbilu yo tsaka mrende wa wunene, kambe moya wo funyeka wa omisa marambu.

Jobe 29:10

vathangeli va to malala ve pwata ni txo womba, ni tidimi tawe ti namarela mikanani kwawe;

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Sidilo 4:4

Lidimi li vamamako ngu lona, li namarela ngu ditora; vanana va kombela sakudya, aniko kuwalo wu a va ningako.

Masalmo 30:9

Dibhindu muni di no maneka ngu kufa kwangu, ni kurelela kwangu diphalani ka vafi kani? Ina lithulu li nga kudhumisa kani? Mwendo li nga womba-womba ngu ditshuri kani?

Jobe 34:15

yotshe nyama yi ndi na patana yi txi fa, se m'thu a ndi na tshumelela lithuluni.

Jobe 10:9

Ni kombela taku u alakanya tito, ngako ni ku dibumba, u ni rendeletile, ni ti to u na ni tshumeta ni ya lithuluni.

Genesisi 18:27

Abrahamu a wombile kambe, a txi khene: “Ani na tsana ni txi womba kambe ka Mkoma wangu, ani ni ku lithulu ni dikhuma.

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Jobe 7:21

U lamba kudivalela sihoheto sangu, u si thavisi wubihi wangu kani? Konkuwa, ni na otela lithuluni, se ngu mabimbi-kutxa u na ni lavetetela, aniko khu na mbi ni mana.

2 Samuwele 14:14

Nguko kha ditshuri hi na fa, hi fana ni mati a makhulungako ha mafuni, ale ma si sengeletananiko kambe. Txizimu koko kha txi thavisi wutomi wa m'thu, kambe kha txi leki kumaha makungo o wuyisa wule a nga tovelwa.

Jobe 19:20

Marambu angu ma namarete ka didhowo dangu ni ka nyama yangu, ni to sala dwe ni didhowo da makwasa angu.

Jobe 30:16

Se konkuwa, moya wangu wu thekete; masiku a kuxaniseka ma ni talete.