Masalmo 22:11 - Bhiblia Yo Sawuleka

¹¹ U nga ti hambukise ni nani u txi tsula kule, nguko dikhombo di hafuhi, kha ni nga ni wa ku ni vhuna.

Masalmo 22:11 Referans Kwoze

Masalmo 71:12

Txizimu, u nga ti hambukise kwangu; Txizimu txangu, kukuluveta u ta ni lwela!

Masalmo 72:12

Ene a na hulukisa txisiwana txi txi m'dhanako ni txikulungu txi txi ku si nga ni m'vhuni.

Masalmo 10:1

Mkoma, nji txani u txi emela kule kani? Nji txani u txi sisala ka sikhati so xanisa kani?

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Johani 16:32

Wonani, ya ta mbimo, ni konkuwa yi hokile, ayi mi no hangalaka, mmwani ni mmwani e teka nzila yakwe, mi txi ni siya ni di nokha; kambe kha ni nga nokha, nguko Tate a ni nani.

Masalmo 38:21

Mkoma, u nga ni leke! Txizimu txangu, u nga ve kule ni nani!

Masalmo 35:22

Aniko awe, Mkoma, u ti woni nawe! U nga malale! U nga ti hambanise ni nani, Mkoma!

Isaya 63:5

Ni wonile ka madhawa otshe, aniko ku si nga ni wa ku ni vhuna; ni to xamala ngu kupwateka ni wammweyo wo ni tsanisa; ngu kumaha keto, diwoko dangu di ni tisete kuhanyisa, ni kuhenya kwangu ku ni tsanisile.

Masalmo 69:18

Tshuketa hafuhi kwangu u ni hanyisa; ni ponise ka valala vangu!

2 Vafumeli 14:26

Nguko Mkoma a woni to kuxaniseka ka Israyeli i ti ti ko nemela ngutu, kambe ku si nga ho kuhambana ka wo sungwa ni wo txhatxheka, hambi wo vhunetela Israyeli.

Dhewuteronome 32:36

Mkoma a na emela vathu vakwe, kambe a na va ni wumbilu ngu sithumi sakwe. Ngako a txi wona ti to mtamo wawe wu ngumile ni ti to kha ka sala m'thu wo sungwa mwendo wo thuseka,

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

Matewu 26:74

Sekoko a to khata kuruketela, e xambanya a txi khene: “Kha ni mu zivi eyo m'thu!” Se ka yoneyo mbimo mkuku wu nje kuemba.

Matewu 26:72

Ene a to kaneta kambe, na a txi xambanya, a txi khene: “Ani kha ni mu zivi eyo m'thu!”

Masalmo 71:6

Awe u m'vhuneteli wangu, kukhukhela mndani ka mame wangu; kukhukhela kuvelekwani kwangu ngawe u ni xayisako! Ni na kudhumisa yotshe mbimo!