Masalmo 22:10 - Bhiblia Yo Sawuleka

¹⁰ Ni sanzi kuvelekwa, awe u ni xayisile; kukhukhela mndani ka mama, awe u Txizimu txangu.

Masalmo 22:10 Referans Kwoze

Vagalatiya 1:15

Aniko mbimo yi Txizimu txi nga ni sawula, ni di ngadi mndani ka mama, txi ni dhana ngu kateko ya txona,

Jeremiya 1:5

“Ni ku zivile ni si se kuwumba mndani ka mwamwako; kambe na u si se velekwa ni kusawute, kuva mprofeti wa matiko.”

Isaya 49:1

Ni engiseni anu sitondolo, pfisisani anu vathu va kule! Mkoma a ni dhani, kukhukhela mndani ka mame wangu, kukhukhela msembeni ka mame wangu, a ni rayile ditina.

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Luka 2:40

Mwanana a txi kula ni kumana mtamo, na a di tate ngu wutxhari; ani kateko ya Txizimu yi ti ti ni nene.

Luka 2:52

Se Jesu a ti kula mu ka wuzivi ni ka txiemo ni mu ka kateko, masoni ka Txizimu ni ka vathu.